O‘zbekiston respublikasi oliy va o‘rta maxsus ta’lim vazirligi o‘zbekiston respublikasi sog‘liqni saqlash vazirligi toshkent farmatsevtika instituti

YOzma nazorat 
YOzma nazoratda dori tayyorlab bo‘lgandan keyin darxol pasport yoziladi. Pasportda vaqti, 
kuni, retsept nomeri, olingan dori moddalar va ularning miqdori, dozalar soni ko‘rsatiladi, 
tayyorlangan, qadoqlangan va tekshirgan xodimlarning imzolari bo‘lishi kerak. 
Konsentratlar va yarim tayyor dori turlarida ularning konsentratsiyasi va olingan miqdori 
ko‘rsatiladi. SHamchalar, kukunlar va pilyulalar tayyorlanganda dozalarning massalari va ularning 
soni ko‘rsatiladi. SHamcha va pilyulalarda ularning og‘irligi, ine’ksiya uchun eritmalar va ko‘z 
tomchilariga qo‘shiladigan izotonikligini ta’minlovchi va turg‘unligini oshiruvchi moddalarning 
miqdori retsept va pasportda ko‘rsatiladi. Pasportda dorivor o‘simliklarning suv yutish koeffitsientlari, 
dori moddalarni eritilganda xajmning oshish koeffitsientlari ko‘rsatiladi. YOzilgan pasportlar 1 oy 
davomida dorixonalarda saqlanadi va provizor texnologga tekshirishga beriladi. Agar dori turi to‘liq 
kimyoviy taxlildan o‘tkazilgan bo‘lsa, pasportda retsept nomeri, taxlil nomeri va taxlil o‘tkazgan 
provizor - analitik imzosi qo‘yiladi. 
Og‘zaki nazorat. 
Og‘zaki nazorat tanlab o‘tkaziladi. 5 ta dori shakli tayyorlagandan keyin o‘tkaziladi. Bunda 
provizor texnolog dori shakliga kiruvchi birinchi dori moddasini aytadi, agar murakkab dori shakli 
bo‘ladigan bo‘lsa, unda ularning miqdorini ham so‘raydi. Undan so‘ng farmatsevt qolgan dori 
moddalarni va miqdorini aytadi. YArim tayyor dori turlarini tayyorlaganda ularning tarkibi va konsen-
tratsiyasi ham aytiladi.
 
Organoleptik nazorat. 
Bunda dori shaklining tashqi ko‘rinishi, rangi, xidi aralashmaning bir xilligi, suyuq dorilarda 
mexanik zarrachalarning bo‘lmasligi tekshiriladi. Kun davomida 3 ta dan kam bo‘lmagan dori turi 
tekshiriladi. 
Fizik nazorat. 
Bundan dori turining og‘irligi yoki xajmi ba’zi dozalarning og‘irligi va soni shuningdek 
yaxshilab yopilganligi tekshiriladi. Agar dorixonalarda retseptlar asosida tayyorlangan bo‘lsa unda bir 
kunda tayyorlangan hamma dori turlarining 3% dan kam bo‘lmagan miqdorda tanlab tekshiriladi. 
Dorixona ichida tayyorlangan va qadoqlangan dori turlarining har bir seriyasidan 3 - 5 ta miqdorda 
sterillash shart bo‘lgan dori shakllari sterillashgacha tekshiriladi.