O‘zbekiston respublikasi oliy va o‘rta maxsus ta’lim vazirligi o‘zbekiston davlat jahon tillari universiteti

DIDAKTIKA-TA’LIM NAZARIYASI, PREDMETI VA VAZIFALARI

Pedagog – olimlar yillar davomida “Nega o‘qitamiz?”, “Nimani o‘qitamiz?”, “Qanday o‘qitamiz?”, “Qayerda o‘qitamiz?” kabi savollarga javob izladilar. Didaktika bo‘limi bu kabi savollarga javob beradi.

Men o‘z hamkasblarimga qarata o‘zida “Qanday o‘qitish” kabi savollarga javob topish imkoniyatiga ega bo‘lgan qo‘llanmalar avval ham, hozir ham ta’lim jarayonida asosiy ustun bo‘lib kelgan va talabalar, izlanuvchilarga amaliy maslahat ko‘rsata olgan deb ayta olaman³⁷.

Shu munosabat bilan pedagogikaning oldida quyidagi savollar ko‘ndalang turibdi: Bu jarayon qanday bo‘lishi kerak? Shaxsni rivojlantirish va shakllantirish uchun ta’limdan qanday foydalanish va amalga oshirish lozim? Ushbu masalalarni nazariy tomondan ishlab chiqish alohida ilmiy fan – didaktikani rivojlantirishni asoslab bergan. Pedagoglar fikricha, ta’lim barcha davrlarda ham ijtimoiy hodisa sanaladi. Ta’lim shaxs tomonidan ijtimoiy tajribalarning o‘zlashtirilish jarayonini tezlashtiradi, uni zarur ko‘nikma va malakalar bilan qurollantiradi.