O‘zbekiston respublikasi oliy va o‘rta maxsus ta’lim vazirligi o‘zbekiston respublikasi madaniyat vazirligi o‘zbekiston davlat san’at va madaniyat instituti

Bayram deganda, hayotdagi muhim voqea, sanani kо‘tarinki ruhda,

xursandchilik bilan nishonlash tushuniladi, ya’ni «bayram» turkcha sо‘zdan

olingan bо‘lib tо‘y, marosim, xursandchilik degan ma’noni anglatadi.

Tomosha – tomoshabin kо‘z oldida namoyish etilgan, yuqori saviyada badiiy

jihatdan bezatilgan, effektli ijro uslublaridan mohirona foydalanilgan, tomoshabin kо‘rib estetik zavq oladigan va bevosita shu tadbirda ishtirokchiga aylanadigan madaniy tadbirdir.

Tadbir esa ana shu bayram va tomoshalarning u yoki bu darajada tashkil

etilishidir. U ma’lum sanaga, ma’lum bir mavzuga va boshqa jihatlarga

bag‘ishlangan bо‘lishi ham mumkin. Lekin bu uchta tushunchani bir-biridan

alohida-alohida ajratmaslik ham mumkin, chunki bular hamisha bir-birlarini

tо‘ldirib turadilar.

Bayramlarga oid manbalarda О‘zbekiston bayramlarini «Xalqaro qutlug‘

kunlar», «Asosiy (tub) umumxalq bayramlari», «Soha, kasb va boshqa qutlug` kunlar» kabi turlarga ajratib kо‘rsatilgan. Shundan quyida keltirilgan asosiy bayramlar yurtimizda yuqori darajada tashkil etiladi. Bu tadbirlar nafaqat markazlarda balki, yurtimizning chekka joylarida ham tantanali ravishda о‘tkazilishi an’anaga aylangan. Asosiy (tub) umumxalq bayramlariga: 1 yanvar – Yangi yil, 8 mart – Xotin-qizlar kuni, 21 mart – Navrо‘z bayrami,9 may – Xotira va qadrlash kuni, 1 sentabr – Mustaqillik kuni, 1 oktabr – О‘qituvchi va murabbiylar kuni, 8 dekabr – Konstitusiya kuni, diniy bayramlar – Rо‘za hayiti va Qurbon hayitining birinchi kunlarini sanab о‘tish mumkin. Yuqorida qayd etilgan tadbirlar buyuk О‘zbekiston davlatining bayramlar mamlakati ekanligidan dalolat berib turibdi.

Tomoshabin biror bayramga borish uchun chiroyli kiyimlarini kiyadi, oilasini bayramga tayyorlaydi va bayramning eng zо‘r daqiqalarini oilasi, dо‘stlari bilan baham kо‘rishni istaydi va bunga о‘zini, о‘zi bilan boradiganlarni tayyorlab boradi. Shunday ekan, biz bayram va tomoshadan ularning faqat «falon ovqat yedik» kabi taa’ssurotlar bilan qaytishini emas, balki bayramni tashkiliy, ijodiy saviyasiga e’tibor qaratishiga, ma’naviy ozuqa olishiga erishmog‘imiz lozim. Demak, bayram tadbirlarini tо‘g‘ri tashkil qilish uchun qaysi sohalarga e’tibor berishimiz kerak?