O’zbekiston respublikasi oliy va o’rta maxsus ta’lim vazirligi o’zbekiston xalqaro islom akademiyasi

Piktogrammalardan iborat bosh menyu

(Ctandart vositalar paneli)

Odatda bu panel menyu satri ostida joylashgan bo‘lib, piktogrammalardan iborat klavishalardan tashkil topgan. Har bir piktogramma bilan biror bir buyruq birlashtirilgan bo‘lib, uning ramziy tasviri shu klavishada ifodalangan.

Ko‘pchilik klavishalar menyudagi tez-tez ishlatilib turadigan buyruqlarni takrorlaydi. Piktogramma yordamida buyruqni chaqirish menyu orqali chaqirishdan ko‘ra tezroq amalga oshiriladi.

Formatlash paneli

Formatlash paneli, matnni Formatlashga xizmat qiladi. Bu menyuda piktogramma klavishalaridan tashqari ro‘yhatlar maydoni ham bor.

Ro‘yhatlar maydoni

Ro‘yhatlar maydonining pastga qaragan ko‘rsatkichli klavishasi bo‘lib, u orqali ro‘yhat ochiladi va kerakli element tanlanadi.

Koordinatalar chizg‘ichi

Gorizontal koordinatalar chizg‘ichi hujjat oynasi ustida joylashgan bo‘ladi. Uning yordamida abzats chegaralari, jadval ustunlari kengliklari va tabulyatsiya kattaliklarini o‘rnatish mumkin.

Dastlabki ko’rish yoki varaq o‘lchamlarini qurish rejimi o‘rnatilganda varaqning chap chegarasi yonida vertikal koordinatalar chizg‘ichi avtomatik ravishda ko‘rinadi. Bu chizg‘ichi va­raqning Yuqori va pastki chegaralarini va jadvaldagi satr balandliklarini o‘rnatish uchun ishlatiladi.