O‘zbekiston respublikasi oliy va o‘rta maxsus ta’lim vazirligi o‘zbekiston respublikasi madaniyat vazirligi o‘zbekiston davlat konservatoriyasi

 
 
Milliy musiqa merosimizni shakllanishi, ravnaq topishi va ularni bugungi 
kungacha yetib kelishida o‘zlarining fidokorona mehnatlari hamda samarali ijodlari 
bilan ulkan hissa qo‘shgan ustoz san’atkorlarning ijro maktablari va uslublaridan 
hozirgi zamon musiqa san’ati sohasida yosh ijrochilarni tarbiyalash uchun ibratli 
qo‘llanma sifatida foydalanib kelinmoqda. Ana shunday ustoz san’atkorlardan Ota 
Jalol Nosirov, Ota G‘iyos Abdug‘aniev, Hoji Abdulaziz Abdurasulov, Domla Halim 
Ibodov, Mulla To‘ychi Toshmuhammedov, Yunus Rajabiy, To‘xtasin Jalilov, 
Komiljon Jabborov, G‘anijon Toshmatov, Nabijon Hasanov, Doni Zokirov, Saidjon 
Kalonov, Jo‘raxon Sultonov, Ma’murjon Uzoqov, Hojixon Boltaev, Muxtorjon 
Murtazoev, Muhammadjon Mirzaev, Orifxon Hotamov, Turg‘un Alimatov, Komiljon 
Otaniyozov, G‘ulomjon Hojiqulov kabi yana ko‘plab san’atimiz fidoiylarini yuksak 
ehtirom bilan tilga olishimiz mumkin. O‘zbek musiqa san’atining bu buyuk darg‘alari 
milliy 
musiqa 
ijrochiligining 
rang-barang 
ijodiy 
xususiyatlarini 
chuqur 

---

egallaganliklarini hamda ularning naqadar teran tafakkur egasi va o‘z kasbining yetuk 
ustasi bo‘lganliklarini e’tirof etishimiz lozim. 
Mazkur masalalarning barchasi o‘quv qo‘llanmada nazariya, amaliyot va 
ijrochilik integratsiyasi uyg‘unligi asosida yoritildi. 
O‘quv qo‘llanmaga doir fikr-mulohazalaringizni kutib qolamiz. 

---

1-BOB 
MAQOM 
CHOLG‘U 
IJROCHILIGINING 
METODOLOGIK 
ASOSLARI 
1.1
 
Maqom cholg‘u ijrochiligining ilmiy masalalari 
Mashg‘ulotning maqsadi:
 
bo‘lajak maqom sozandalariga maqom cholg‘u 
ijrochiligining ilmiy masalalari bo‘yicha tushuncha berish.