O‘zbekiston respublikasi oliy va o‘rta maxsus ta’lim vazirligi o‘rta maxsus, kasb-hunar ta’limi markazi

5.4.  Zarba-kontaktli xabarlovchilarni sozlash va ishchanligini 

tekshirish

«Okno» seriyasidagi xabarlovchilar montajdan so‘ng va regla-

ment ishlari amalga oshirilganda ularning ishchanligi va tashqi 

ta’sirlarga bardoshliligi tekshirilib turilishi kerak.

Xabarlovchining ishchanligi, to‘plamga kiruvchi maxsus tek-

shirish prujinasi yordamida amalga oshiriladi. U 1 mm diametrli, 

uzunligi 8–10 sm ga teng po‘lat simdan iborat. Tekshirish jarayo-

nida SIBdan 2–5 sm masofada ko‘rsatkich (strelka) ko‘rsatilgan 

tomonga prujina bilan derazaga uriladi. Urish natijasida SIBda 

chiroq indikatori yoqilib, QNPda esa «Tashvish» xabari uzatilishi 

kerak. Agar bu hol ro‘y bermasa, OSD oyna bilan kontakti, OSD-

SIB simlarini sozligi va qutblari, SIB kuchlanishi tekshiriladi yo-

ki OSD o‘zgartiriladi. 

Agar xabarlovchi shleyfdagi kuchlanish 10 V bo‘lsa, bu xabar-

lovchi shleyfida qisqa tutashuv borligi haqida dalolat beradi.

Xabarlovchining tashqi ta’sirlarga nisbatan mustahkamligi 

quyidagicha tekshiriladi: qayindan yasalgan diametri 95 mm, 

massasi 0,3 kg li sharni 50 sm uzunlikdagi ipda osiltirib, oyna-

ga nisbatan 60–90 gradus chetlatib qo‘yib yuboriladi. Shar 

oynaga urilganda xabarlovchi «Norma» rejimida qolishi kerak.