О‘zbekiston respublikasi oliy va о‘rta maxsus ta’lim vazirligi о‘rta maxsus, kasb-hunar ta’limi markazi surxondaryo viloyati hokimligining о‘rta maxsus

O’qituvchi: _____________ Nazirov Baxtiyor
O’qituvchi: B.S.Nazirov ____________________


11-mavzu: GFRning tashkil topishishi. Uning ichki va tashqi siyosati
Reja:
1. Germaniya Demokratik Respublikasining tashkil etilishi.
2. GFRning ichki va tashqi siyosati
3. Germaniyada XDI – XSIning hokimiyatdan ketishi.
4. Kichik koalitsiya hukumatining ichki va tashqi siyosati


Tayanch so’zlar: Oder va Neyse, okkupatsiya zonalar, Germaniya Kommunistik partiyasi va Germaniya Sotsial-demokratik partiyasi, «Erkin demokratik partiya» (EDP), Xristian demokratlar ittifoqi (XD1), Xristian sotsialistlar ittifoqi (XSI), separat pul islohoti, bundestag
Germaniya Demokratik Respublikasining tashkil etilishi SSSR okkupatsiya zonasi bo'lgan Sharqiy Germaniyada ham yangi davlat tuzishga zo'r berib kirishildi. Bu davrda Sharqiy Germaniyada Germaniya Yagona Sotsialistik partiyasi, XDI, Liberal-demokratik partiya hamda Dehqonlar partiyasi faoliyat ko'rsatmoqda edi.
Bu partiyalar vajamoat tashkilotlari Nemis Milliy Kengashini sayladilar. Bu Kengash sessiyasi 1949-yilning 7-oktabrida Sharqiy Germaniya hududida Germaniya Demokratik Respublikasi tuzilganligini e'lon qildi. Hukmron partiya (GYASP) syezdi 1952-yilda GDRda sotsializm asoslarini qurish haqida qaror qabul qildi. Afsuski, bu sovet namunasidagi sotsializm edi. Shu tariqa Germaniyaning hududiy bo'linishi sodir bo'ldi. Oradan ko'p o'tmay GFR AQSH ittifoqchisiga, GDR esa SSSR ittifoqchisiga aylandi.
GFRning ichki va tashqi siyosati K. Adenauer hukumati ichki siyosatining bosh vazifasi mamlakat iqtisodiyotini tezroq tiklash edi. Bu maqsadni ro'yobga chiqarish vositasi sifatida iqtisodiyotning «Ijtimoiy yo'naltirilgan bozor xo'jaligi» modeli tanlandi.
Bu model markazida tadbirkorning shaxsiy tashabbusi va erkin raqobat turar edi. Davlatning vazifasi asosan xususiy xo'jalik subyektlarining faoliyat yuritish shakli va qoidalarini belgilab berishdan va ularga qanchalik amal qilinayotganligi ustidan nazoratni ta'minlashdan iborat bo'lardi.
Ayni paytda bu model davlatning, birinchidan, kuchli ijtimoiy siyosat yuritishini ham nazarda tutar edi. Hukumat tanlagan yo'l GFR iqtisodiy taraqqiyotining gurkirab rivojlanishining asosiy omili bo'ldi.