O‘zbekiston respublikasi oliy va o‘rta maxsus ta’lim vazirligi o‘rta maxsus, kasb-hunar ta’limi markazi

(O‘quvchi qizlar uchun).

O‘quvchilarni vatanparvarlik, bemorlarga nisbatan insoniy munosabatda bo‘lish, tibbiy yordam ko‘rsatish ko‘nikmalarini egallash bilimlarini egallash, jarolhatlangan va bemor kishilarga ongli suratda yordam ko‘rsatishdek muqaddas burchni bajarish ruhida tarbiyalash.

O‘quvchi qizlarni o‘quv muassasalarida o‘qitishdan asosiy maqsad:

- sanitar drujinasi sifatida ishlashga tayyorlash;

- ularni tibbiy muassalarda kichik tibbiy xodim sifatida ishlashga tayyorlash.

Ta’lim jarayonida asosiy e’tibor o‘quvchilarning birinchi tibbiy yordam ko‘rsatish ko‘nikmalarini egallash, bemorga qarayotgan paytda muolajalar o‘tkazish, ularga yuqori ma’naviy fazilatlarni singdirish, bemorlarga xizmat ko‘rsatishning muhimligini va ahamiyatini tushuntirishga qaratilgan.

Nazariy mashg‘ulotlar hikoya qilish uslubida ko‘rgazmali plakatlardan foydalanish bilan o‘tkaziladi. Nazariy ma’ruza hajmi amaliyot davrida amallarni bajarishda qancha zarur bo‘lsa shundan kelib chiqadi. Amaliy mashg‘ulotlar davrida o‘qituvchi avval amallarni bajarib, ko‘rsatib tushuntirgandan so‘ng, o‘rganuvchilardan so‘raydi.

O‘quvchilar tasavvurga ega bo‘lishi shart:

-tibbiy muassasaning tavsifi va uning tuzilish to‘g‘risida;

-tibbiy xizmat tadbirlarining o‘tkazilishi to‘g‘risida.

O‘quvchilar bilishi shart:

- tibbiy xizmat va fuqaro muhofazasi asoslari, shuningdek uning asosiy vazifalari;

- jarohatlash o‘chog‘ida birinchi tibbiy yordam berish standartlari va bemorga qarash qoidalarini to‘g‘ri bajarish.

O‘quvchilar uddalashi shart:

- jarohat olganda, kuyganda, sovuq urganda va boshqa baxtsiz holatlarda, kuchli ta’sir etuvchi zaharli moddalar va radiastiya bilan shikastlanganlarga birinchi tibbiy yordam ko‘rsatishni:

- yuqumli kasalliklar profilaktikasi bo‘yicha o‘tkaziladigan tadbirlarni bajarishni va bemorga qarashni.
O‘quvchilar amaliy ko‘nikmaga ega bo‘lishi shart:

-davolash muassasalarida kichik tibbiy xodim majburiyatlarini bajarish.