O‘zbekiston respublikasi oliy va o‘rta maxsus ta’lim vazirligi o `zbekiston respublikasi qishloq xo`jaligi vazirligi

SD-F-50 qurilmasi – go‘ngni quruq (dag’al dispers) va suyuq bo‘linmalariga ajratib berish uchun xizmat qiladi. Qu­rilma (98-chizma) to‘shamalardan foydalanilmaydigan fer­malarda go‘ngni gidravlik usulda tozalashda qo‘llaniladi.Qurilma payvandlangan korpusi, taxta prokatdan yasalgan panjarali filtrlash elementi, qabul bunkeri, poddon va press­lash qurilmasidan tashkil topgan. Presslash qurilmasi rolik, kronshteynlar va surgichdan iborat. Rolik prujinalangan shtok bilan bog‘langan bo‘lib, kronshteynida 10–15 mm ga siljiydi.Rezina to‘qima surgich (4) ishchi organdan siqilgan go‘ngni ajratib tash­lash uchun xizmat qiladi. Harakat uzat­masi (5) elektryuritgich, reduktor, tas­mali uzatma va zanjirli muftani o‘z ich­iga oladi. Uzatma harakatni harakatga keltirish valiga beradi.Qurilmaning ish unumi 50 m3/s, o‘rnatilgan quvvati 0,37 kVt, gabarit o‘lchamlari 1740x1720x1930 mm, go‘ngning dastlabki namligi 96–99 foiz, qattiq fraksiya namligi 88 foizdan ko‘p, suyuq fraksiya 98 foizdan kam emas. Dastlabki go’ng massasini uzatish notekisligi 15 foiz, massa­si 400 kg.
GBN-100A barabanli tebratgich – Chorvachilikda suyuq go’ng oqimini qattiq va suyuq bo‘linmalarga ajratish uchun xizmat qiladi. Ishlov beriladigan go‘ngning namligi 93 foiz va yuqori bo‘lib, tarkibida 30 mm o‘lchamdan katta qattiq qo‘shilmalar bo‘lmasligi lozim.
Asosiy texnik ko‘rsatgichlari: ish unumi (go’ng namligi 93–99,5 foiz) 50–100 t/s; o‘rnatilgan quvvati–26 kVt; tebrat­gich vali aylanishlar soni – 15,6–17,6 s–1; barabanning aylan­ishlar soni – 0,26 s–1; tebranish amplitudasi 16 mm; filtrlash elementi teshigi diametri 2,0 va 1,0 mm; gabarit o‘lchamlari 3120x2370x2910 mm; qattiq fraksiya namligi – 85–90 foiz; suyuq fraksiya namligi 98– 99 foiz; massasi 1140 kg.
Qurilma baraban, oldingi va orqa tayanch, tebratgich, rama, himoya to’sig’i va xizmat ko‘rsatish maydonchasidan iborat.
Baraban motor-reduktor orqali aylanma va tebratgichdan tebranma harakat oladi. Oqimni filtrlash uchun baraban tubida ikki panjarali massa yo‘nalishidagi teshikli polotna o‘rnatilgan.
Suyuq go’ng perfobaraban ichiga kirib, barabanning tebran­ma harakati va aylanishi tufayli filtrlanadi. Bunda qattiq fraksiya baraban bo‘ylab borib tarnovga, suyuq fraksiya panjara teshiklari orqali tushib poddonga yig‘iladi. Poddondan go’ng quvur orqali Xandak qa yuboriladi.
Vintli go’ng pressi PJN-68A go’ng qattiq bo‘linmasini yanada suvsizlantirish uchun xizmat qiladi.