O‘zbekiston respublikasi oliy va o‘rta maxsus ta’lim vazirligi nizomiy nomli toshkent davlat pedagogika universiteti sh. A. Do‘stmuhamedova, X. A. Tillashayxova

6. Kichik maktab yoshidagi o‘quvchilarda nima orqali ta’limga bo‘lgan 
munosabat yanada faol namoyon bo‘ladi? 

---

118 
A) Dunyoqarash orqali; 
B) Qiziqish orqali; 
V) Qobiliyat orqali. 
VI BOB. O‘SMIRLIK DAVRI PSIXOLOGIYASI 
Reja: 
1.O‘smirlik yoshidagi o‘quvchilarning xulq-atvori xususiyatlari. 
2 O‘smirlarning intellektual rivojlanishi. 
3.O‘smirlik davrida shaxsning shakllanishi. 
4.O‘smirlik davridagi o‘quvchilarning emotsional xususiyatlari. 
5. O‘smirlik davrida shaxslararo munosabat. 
O‘quv maqsadi: 
Ta’limiy:
Talabalarga o‘smirlik davridagi jismoniy va psixik rivojlanishning 
umumiy xususiyatlari, jinsiy yetilish jarayoni, uning psixik rivojlanishga ta’siri 
o‘smirlik davri inqirozi va uning psixologik sabablari, o‘smirlik davrida 
intellektual va shaxs rivojlanish xususiyatlari bo‘yicha bilim berish.
Tarbiyaviy:
O‘smirlik davrida o‘z-o‘ziga baho berish tizimining rivojlanish 
xususiyatlari, ularning ong va dunyoqarashining shakllanishini tushuntirish orqali 
talabalarni o‘z-o‘zini anglashga, tahlil qilishga, tarbiyalashga o‘rgatish.
Rivojlantiruvchi:
Talabalarning o‘smirlik yoshdagi bolalarning yosh va 
psixologik xususiyatlarini inbatga olgan xolda ular bilan ishlash, muammoli 
vaziyatlarni yechish ko‘nikma-malakalarini rivojlantirish 
6.1.O‘smirlik yoshidagi o‘quvchilarning xulq-atvor xususiyatlari 
Aksariyat o‘quvchilarda o‘smirlik yoshiga o‘tish, asosan, 5-sinflardan boshlanadi. 
«Endi o‘smir bola emas, biroq katta ham emas» - ayni shu ta’rif o‘smirlik 
davrining muhim xarakterini bildiradi.
Hozirgi o‘smirlar o‘tmishdoshlariga nisbatan jismoniy aqliy va siyosiy jihatdan 
bir muncha ustunlikka ega. Ularda jinsiy yetilish, ijtimoiylashuv jarayoni, psixik 
o‘sish oldinroq namoyon bo‘lmokda.