O`zbekiston respublikasi oliy va o`rta maxsus ta’lim vazirligi nizomiy nomidagi toshkent davlat pedagogika universiteti

«Aqliy hujum» metodi
Maqsad: Aqliy hujum muammolarni hal qilishda keng qo‘llaniladigan anchagina mashhur metoddir. U qatnashuvchilarni o‘z tasavvurlari va ijodlaridan foydalanishga undaydi. U berilgan har qanday muammoga ko‘p sonli yechimlar topishda yordam beradi. (Bunday vaziyatda men nima qilishim kerak?). Aqliy hujum metodi tanlab olingan mavzu doirasida ma’lum g‘oyalarni aniqlash, ayni vaqtda ularga muqobil bo‘lgan g‘oyalarni tanlash uchun sharoit yaratadi.
Aqliy hujumni o‘tkazish qoidalari

1. 
   O‘ylash jarayonida hech qanday baholashlarga yo‘l qo‘yilmaydi. Agar o‘ylash jarayonida g‘oyalar baholansa, qatnashuvchilar e’tiborlarini o‘z fikr va g‘oyalarini himoya qilishga qaratib, ularning yangilari va yaxshilari ustida bosh qotirmay qo‘yadilar. Baholash qoidadan istisno qilinishi kerak.
   
2. 
   Hammani o‘ta xilma-xil kutilmagan g‘oyalar doirasini o‘ylashga undash kerak. Haqiqatan ham, aqliy hujumda kutilmagan g‘oyalar yuzaga kelmas ekan, ayrim qatnashuvchilar o‘z shaxsiy fikrlarini qayta ko‘rib chiqishlari aniq bo‘lib qoladi. Ular o‘z g‘oyalarini taqdim etishdan oldin o‘z g‘oyalarining kulgiga sabab bo‘lishidan cho‘chib uzoq o‘ylaydilar.
   
3. 
   g‘oyalar miqdori rag‘batlantiriladi. Miqdor deyarli doimo o‘sib sifatga aylanadi. Tezkor izchillikda katta miqdorda g‘oyalar paydo bo‘lganda, odatda baholash istisno qilinadi. qatnashchilar o‘z tasavvurlarini kengaytirishda erkindirlar, buning natijasida yaxshi g‘oyalar yuzaga keladi.
   
4. 
   Har bir kishi o‘zgalar g‘oyasiga asoslanishi va ularni o‘zgartirishi mumkin. Oldin taklif etilgan g‘oyalarni biriktirish va o‘zgartirish yaxshiroq g‘oyalarni keltirib chiqaradi.
   

Samarali aqliy hujum uchun talablar

1. 
   qatnashuvchilarni bemalol o‘tiradigan qilib joylashtirish.
   
2. 
   g‘oyalarni yozish uchun doska yoki qog‘oz varaqlarini tayyorlab qo‘yish.
   
3. 
   Muammoni aniqlash.
   
4. 
   Ish qoidalarini belgilash.
   

A) g‘oyalar hech qanday baholanmaydi.
B) fikrlarga to‘liq erkinlik beriladi.
V) g‘oyalar qancha ko‘p bo‘lsa, shuncha yaxshi (miqdorga intilish)

5. 
   g‘oyalar haqida so‘rab aytilishi bilan yozib olish.
   
6. 
   qog‘oz varaqlar to‘lganda, ularni devorlarga osib qo‘yish.
   
7. 
   Yangi g‘oyalarni rag‘batlantirish.
   
8. 
   O‘zgalar g‘oyalari ustidan kulish, kinoyali sharhlar va masxara qilishga yo‘l qo‘ymaslik.
   
9. 
   g‘oyalar taklif etilayotgan ekan, ishni davom ettiraverish.
   

Savollar

1. 
   «Ta’lim texnologiyalari» qachondan boshlab joriy etildi?
   
2. 
   «texnologiya», «texnologik jarayon», «ta’lim texnologiyasi» tushunchalarini ta’riflab bering.
   
3. 
   Ta’limni texnologiyalashtirishning maqsad va vazifalari nimalardan iborat?