O`zbekiston respublikasi oliy va o`rta maxsus ta’lim vazirligi nizomiy nomidagi toshkent davlat pedagogika universiteti

Internet resurslari:

11. 
    www.nmc.org
    
12. 
    www.mit.edu
    
13. 
    www.edx.org
    

№ 3-Mavzu: Jismoniy tarbiyada pedagogik texnologiyalar.

Reja:
1.Pedagogik faoliyatning asosiy tuzilmaviy tarkibi.
2.Jismoniy tarbiya darslarida pedagogic texnologiyalarni qo`llash.
3.Jismoniy tarbiya o‘qituvchisining asosiy bilim va ko‘nikmalari.
4. Jismoniy tarbiya fani bo‘yicha loyihalashtirish.
5. Ta’lim uslublari. Ko‘nikma va malakalarni shakllantirish ta’lim jarayoni sifatida.


Tayanch so‘zlar: texnologiya, texnologik jarayon, ta’lim texnologiyasi, pedagogik texnologiya.bumerang,senkveyin, Venn diagramma,keyis-stadiy,sillabus, loyiha.
Pedagoglarning uzoq yillar davomida “ta’lim texnologiyasi”, “pedagogik texnologiya” atamalarini qabul qilmasliklari sababi shundaki, ularning tasavvuriga ko‘ra, “texnologiya” so‘zi faqat ishlab chiqarishga, ishlab chiqish jarayoniga taalluqli. Bu jihatdan hatto S.I.Ojegovning rus tili lug‘ati (1990) cheklangan ta’rif beradiki, unga ko‘ra texnologiya ma’lum bir ishlab chiqarish sohasidagi ishlab chiqarish metodlari va jarayonlari majmui, shuningdek, ishlab chiqarish usullarining ilmiy bayonidir. Biroq bu so‘z grek tilidan olingan bo‘lib, tarkibida ikki xil ma’noni mujassam qilgan: 1) “san’at”, “mahorat”; 2) “tushuncha”, “ta’limot”, qo‘shimcha so‘zlar tarkibida esa bu “fan”, “bilim” tushunchalariga mos keladi.
Demak, “texnologiya” so‘zining faqat ishlab chiqarish, ishlab chiqarish jarayonlari bilan bog‘liq holda qo‘llanilishi uning ma’nosini chegaralab qo‘yadi va ilmiy bilishning ayrim bo‘limlari rivojlanishiga sun’iy to‘siqqa aylanadi.
Yuqoridagi fikrlardan kelib chiqib, “texnologiya” so‘zining ma’nosi bilimlarni berish, ko‘rsatish san’ati, mahorati sifatida qabul qilinishi mumkin. Buning ikkinchi jihatini e’tirof etishimiz joiz.
Birinchidan, bu jarayon yuqori darajada (san’at, mahorat) amalga oshirilishi kerak, ikkinchidan, insoniyatning ijtimoiy tajriba (bilimlar, ko‘nikma va malakalar) berish jarayoni bilan chambarchas bog‘liq. Shuning uchun “pedagogik texnologiya” atamasining qo‘llanilishi “ishlab chiqarish texnologiyasi” kabi tabiiydir. Hozirgi paytda “pedagogik texnologiya” tushunchasining o‘ndan ortiq ta’rifi bor. Bizningcha, eng muvaffaqiyatli quyidagi ta’rifdir: “Pedagogik texnologiya - bu muvaffaqiyatni kafolatlovchi pedagogik jarayonlarni qat’iy tarzda ilmiy loyihalashtirish (bayon qilish) va ularni o‘quv auditoriyasida takrorlash” (V.P.Bespalko).
Quyidagilar pedagogik texnologiyaning asosiy bosqichlari hisoblanadi:
Pedagog jarayon texnologiyasini ishlab chiqishda va amlaga oshirishda boshlang‘ich ilmiy-nazariy asos bo‘lib xizmat qiluvchi konsepsiyani, nazariyani tanlash.
Pedagogik jarayon modelini ishlab chiqish (loyihalashtirish).
Ishlab chiqilgan modelni amaliyotda ro‘yobga chiqarish.
Pedagogik jarayon, uning natijalarini tahlil qilish.
Ishlab chiqilgan va amalga oshirilgan pedagogik texnologiyaning samaradorligini aniqlash.
Jismoniy tarbiya va sport sohasida mutaxassislar tayyorlashda zamonaviy ta’lim vazifalarini yangi ta’lim texnologiyalarini ishlab chiqmay turib hal etib bo‘lmaydi. Buning uchun ikkita shartni bajarish zarur.
Birinchidan, pedagogik jarayonni tashkil etish asosida ko‘proq deduktiv metod yotishi kerak.
Ikkinchidan, pedagogik jarayonni psixologiya va pedagogika fanlarining eng yangi yutuqlari asosida, taraqqiy etgan pedagoik texnologiyalarni ishlab chiqqan holda loyihalashtirish hamda amalga oshirish zarur.
Kasbiy tayyorgarlikda yakuniy natijaga erishish nafaqat pedagogning maqsadi, balki har bir ta’lim oluvchining ham shaxsiy maqsadi bo‘lishi kerak. Bu maqsadlar mushtarakligi muvaffaqiyati pedagogik jarayonning tashkil etilishiga bohliq. Bu jarayonda pedagog pedagogik va funksional vazifalarni hal qiladi. Birinchi guruh vazifalarni hal etish mahsuli bo‘lib ta’lim oluvchilarda yuzaga keladigan o‘zgarishlar hisoblanadi. Ikkinchi guruh vazifalarni hal etish mahsuli bo‘lib pedagogik jarayonni tashkil qilish, ya’ni pedagogik ta’sir instrumentariysini yaratish hisoblanadi.