O’zbekiston respublikasi oliy va o’rta maxsus ta’lim vazirligi nizomiy nomidagi toshkent davlat pedagogika universiteti boshlang`ich ta`lim fakulteti kurs ishi mavzu

Kurs ishining maqsadi - Boshlang`ich sinflarda induksiya, deduksiya va analogiya usullaridan foydalanib o`qitish bo’yicha metodik tavsiyalar ishlab chiqish.
Kurs ishining ob’yekti Boshlang`ich sinflarda induksiya, deduksiya va analogiya usullaridan foydalanib o`qitish jarayoni.
Kurs ishining predmeti Boshlang`ich sinflarda induksiya, deduksiya va analogiya usullaridan foydalanib o`qitishning metod va vositalari.
Kurs ishining vazifalari.

• 
  Boshlang`ich sinf matematikasiga qo`yilgan talablarni o`rganish;
  
• 
  Induksiya, deduksiya va analogiya usulidagi masalalarning ta’lim jarayonidagi rolini aniqlash;
  
• 
  Masala ustida ishlash metodikasini o`rganish;
  
• 
  Masala ustida ishlash metodikasiga noan’anaviy yondashishlar tahlili;
  
• 
  Masalani yechishda boshlang`ich sinf o`quvchilari tafakkurining rivojlanish darajasini va imkoniyatlarini aniqlash;
  

Kurs ishining metodlari analiz, sintez, umumlashtirish va konkretlashtirish metodlari ishlatildi, fikr va mulohazalar umumlashtirildi hamda xulosalarga kelindi.
Kurs ishining yangiliklari va ahamiyati - Induktiv usullar texnik qurilmalarni o`rganishda va amaliy topshiriqlarni bajarishda keng qo`llaniladi. Matematika va fizikaga doir ko`pgina masalalar, ayniqsa o`qituvchi o`quvchilarni ayrim umumiyroq formulalarni mustaqil egallashlariga olib kelish zarur deb hisoblagan hollarda, induktiv usul vositasida yechiladi.
I BOB. BOSHLANG`ICH SINFLARDA MASALALAR YECHISHDA INDUKSIYA, DEDUKSIYA VA ANOLOGIK USULLARNING NAZARIY AHAMIYATI.
1.1. Induksiya, deduksiya va anologiya usullari haqida umumiy tushunchalar.
Bu uch metod yangi bilimlarni egallashning asosida yotuvchi xulosalarning xususiyatlariga qarab bir-biridan farq qiladi.
Induksiya metodi – bilishning shunday yo`liki, bunda o`quvchining fikri birlikdan umumiylikka, xususiy xulosalardan umumiy xulosalarga olib boradi. Induktiv xulosa-xususiydan umumiyga qarab boradigan xulosadir. Bu metoddan foydalanib biror qonuniyatni ochish yoki qoidani chiqarish uchun o`qituvchi misollar, masalalar, ko`rsatmali materiallarni puxtalik bilan tanlaydi.
Boshlang`ich sinflarda induksiya metodi bilan uzviy bog`liq holda deduksiya metodidan ham keng foydalaniladi. Boshlang`ich sinflarning yangi o`qitish dasturi talablariga o`tishi munosabati bilan deduksiya metodidan foydalanish chegaralari ancha kengaydi.