O'zbekiston respublikasi oliy va o'rta maxsus ta'lim vazirligi namangan davlat universiteti soliqlar va soliqqa tortish

---

O'ZBEKISTON RESPUBLIKASI 
OLIY VA O'RTA MAXSUS TA'LIM VAZIRLIGI 
 
NAMANGAN DAVLAT UNIVERSITETI 

 
SOLIQLAR VA SOLIQQA TORTISH 
FANIDAN 
 
 
 
 
 
 
 
 
 
Namangan -2011 yil 

---

2 
“Soliqlar va soliqqa tortish” fanining maxsus kursi bo’yicha amaliy mashg’ulotlar 
ishlanmasi bakalavriat bosqichining noiqtisodiy ta’lim yo’nalishlari talabalari uchun mo’ljallangan. 
Tuzuvchi: 
D.Boymirzaev 
NamDU Iqtisodiyot kafedrasi o’qituvchisi 
Taqrizchilar:
NamDU Iqtisodiyot kafedrasi
katta o’qituvchisi K.Sirojiddinov 
 
 
 
 
 
NamDU Geografiya va ekologiya kafedrasi
mudiri dots A.Baratov 
Amaliy mashg’ulotlar ishlanmasi Namangan Davlat Universitetining ijtimoiy-iqtisodiy 
fakulteti ilmiy kengashining 2011 yil 27-avgustdagi 1-sonli majlisida muhokama etilgan va 
ma’qullangan. 
 
Ilmiy kengash raisi:
dots. R.Jo’raev 
 
Amaliy mashg’ulotlar ishlanmasi “Iqtisodiyot”kafedrasining 2011 yil 26-avgustdagi 1-sonli 
yig`ilishi muhokama qilingan va tasdiqlangan. 
“Iqtisodiyot” kafedrasi mudiri: 
dots. S.Abdullaev
© Namangan davlat universiteti 
 
 
 

---

3 
KIRISH 
Mamlakat iqtisodiyotini tartiblash va umumahamiyatga ega bo`lgan xarajatlarni 
moliyalashtirish uchun davlat ma`lum miqdordagi moliyaviy manbalarga ehtiyoj sezadi. 
O`zbekiston Respublikasi moliya tizimida soliqlar va boshqa majburiy ajratmalar orqali davlat 
byudjetini hamda ijtimoiy jag`armalarning daromadlari shakllantiriladi. Mazkur munosabatlar 
bakalavriat bosqichining iqtisodiy ta`lim yo`nalishlarida batafsil o`rganib chiqiladi, lekin 
noiqtisodiy ta`lim yo`nalishlarida tahsil olayotgan talabalarda ham soliqlarga oid tushinchalarni 
shakllantirish maqsadga muvofiq hisoblanadi.
Mamlakatimizda olib borilayotgan keng qamrovli iqtisodiy islohotlarni amalga oshirishda, 
avvalombor, soliq siyosatini yanada takomillashtirish, soliqlarning turlari va ularning amal qilish 
mexanizmini soddalashtirish muhim masalalardan hisoblanadi. 
Bakalavriat bosqichining noiqtisodiy ta`lim yo`nalishlarida “Soliqlar va soliqqa tortish” 
maxsus kursining o`qitish jarayonida soliqlarning nazariy masalalari, ularning ob`ektiv zarurligi, 
soliq to`lovchilarning majburiyatlari va huquqlari hamda yuridik va jismoniy shaxslarning soliqqa 
tortish masalalari atroflicha o`rganiladi.
SHu boisdan ham oliy ta’lim tizimida soliq sohasidagi bilimlarni o’rgatishda 
Respublikamizda amalga oshirilayotgan soliq sohasidagi islohotlarni talabalarga to’laroq yetkazish, 
ushbu yo’nalish bo’yicha istiqbolli dasturlarni ishlab chiqish, oliy o’quv yurtlari ta’lim 
yo’nalishlarida mazkur sohani o’qitishda ilg’or pedagogik texnologiyalarni ta’lim tizimida tadbiq 
etishni amalga oshirish muhim hisoblanadi. 
Maxsus kurs bo’yicha tayyorlangan amaliy mashg’ulotlar ishlanmasi talabalarda soliqlar, 
yig’imlar va soliqqa tenglashtirilgan to’lovlarni o’rganish, ularni hisoblash va byudjet yo’naltirish, 
soliqlarni byudjet daromadlarini shakllangantirishdagi ahamiyati, ularni intizomli soliq to’lovchilar 
qilib tayyorlashgan qaratilgan bo’lib, “Soliqlar va soliqqa tortish” maxsus kursi bo’yicha amaliy 
mashg’ulotlar ishlanmasi bakalavriyatning barcha noiqtisodiy ta’lim yo’nalishlarida ta’lim 
olayotgan oliy o’quv yurti talabalariga mo’ljallangan.
Amaliy mashg’ulotlar ishlanmasida har bir amaliy mashg’ulot mavzulari nazorat savollari, 
mavzuga doir masalalar va test savollaridan tashkil topgan.