O’zbekiston respublikasi oliy va o`rta maxsus ta’lim vazirligi navoiy davlat pedagogika instituti navoiy 2020

Iqtidorli talabalar bilan ishlashda kafedraning vazifasi:
- kafedrada iqtidorli talabalarni aniqlash ikki bosqichda olib boriladi: 1-bosqich - kafedradagi og’zaki imtihon; 2-bosqich – informatika va chet tillardan test;
- kafedra iqtidorli talabalarni aniqlash uchun maxsus imtihon savollarini tuzadi va kafedraning yetuk professor-o’qituvchilari ularni og’zaki imtihondan o’tkazadi. 
- yuqori reyting baliga ega bo’lgan talabalar kafedraga dekanat tomonidan tavsiya qilinsa yoki talabaning o’zi iqtidorli talabalar safiga qo’shilmoqchi bo’lsa kafedrada ular ham maxsus imtihondan o’tkazilib iqtidorli talabalar guruhiga kirgizilishi mumkin;
- imtihondan muvaffaqiyatli o’tgan talabalar kafedra yig’ilishida barcha xodimlar ishtirokida muhokama qilinib bo’limga tavsiya qilinadi;
- bo’lim kafedra tavsiya qilgan iqtidorli talabalarni Bo’lim test imtixondan o’tkazadi, bu test savollari ham kafedra tomonidan tanlangan mutaxassislik bo’yicha tuziladi. Test kafedra xodimlari ishtirokisiz mustaqil ravishda o’tkaziladi. Test savollariga ilmiy tus berilgan bo’lishi, talabani mustaqil fikrlashga majbur qilishi va test savollarini yechishga mantiqiy yondashuvini ta’minlashi zarur;
- ikkala imtixondan muvaffaqiyatli o’tgan talabalar iqtidorli talabalar guruhiga qabul qilinadi;
- iqtidorli talabalarning ilmiy-tadqiqot ishlarini kafedrada olib borilayotgan ilmiy-tadqiqot ishlariga moslashtiradi va ularga rahbar belgilaydi;
- iqtidorli talabalar bilan ishlash bo’yicha kasbga yo’naltirilgan dastur ishlab chiqadi, uni o’quv va ilmiy bo’limlarda tasdiqlatib oladi, talabalarning faoliyati bo’yicha yillik hisobotlarni bo’limga topishirib boradi.
Iqtidorli talabalar bilan ishlashda Yoshlar ittifoqi boshlang’ich tashkilotining vazifasi:
- iqtidorli talabalarning ilmiy-tadqiqot ishlariga moddiy va ma’naviy yordam ko’rsatish;
- iqtidorli talabalarning seminarlar, ilmiy anjumanlari, Respublika olimpiadalarini o’tkazishga bevosita yordam berish;
- iqtidorli talabalarni xorij safarlariga yuborilishiga yaqindan moddiy va ma’naviy yordam berish, faxrli o’rinlarni egallagan talabalarni va ularning rahbarlarini rag’batlantirish;
- Respublika matbuotida, televideniya va radioda chiqishlariga yaqindan yordam beradi.