O’zbekiston respublikasi oliy va o`rta maxsus ta’lim vazirligi navoiy davlat pedagogika instituti navoiy 2020

Oliy ta’lim


Oliy ta’lim o’rta maxsus, kasb-hunar ta’limi negiziga asoslanadi hamda ikki (bakalavriat va magistratura) bosqichga ega.
Oliy ta’lim muassasalariga talabalar qabul qilish davlat grantlari negizida va pullik-shartnomaviy asosda amalga oshiriladi.
Bakalavriat-mutaxassisliklar yo’nalishi bo’yicha fundamental va amaliy bilim beradigan, ta’lim muddati kamida to’rt yil davom etadigan tayanch oliy ta’limdir.
Magistratura- aniq mutaxassislik bo’yicha fundamental va amaliy bilim beradigan, bakalavriat negizida ta’lim muddati kamida ikki yil davom etadigan oliy ta’limdir.
Fakultet- oliy o’quv yurtining o’quv ilmiy va ma’muriy tarmog’i hisoblanib, Kadrlar tayyorlash Milliy dasturiga muvofiq tegishli ta’lim yo’nalishlari va mutaxassisliklar bo’yicha talaba, aspirant va doktorantlarni tayyorlash hamda iqtisod, sog’liqni saqlash va madaniyatga tegishli sohalarning rahbar xodimlari va mutaxassislari malakasini oshirish, shuningdek, kafedralarning ilmiy-tadqiqot ishlarini muvofiqlashtirish ishlari bilan shug’ullanadi. Fakultet ishiga rahbarlikni fakultet dekani amalga oshiradi.
Iqtidorli talabalar bilan ishlashda dekanatning vazifasi:
- iqtidorli talabalar guruhini tuzadi, ularning faoliyatini nazorat qilish bilan bog’liq bo’lgan barcha tadbirlarga boshchilik qiladi;
- fakultet bo’yicha iqtidorli talabalar bilan shug’ullanuvchi ilmiy darajagi ega bo’lgan o’qituvchini ajratadi va fakultetda iqtidorli talabalarni aniqlash bo’yicha kafedraga o’z takliflarini kirgizadi;
- yuqori reyting baliga ega bo’lgan talabalarni iqtidorli talabalar guruhiga kirgizish bo’yicha kafedraga yozma ravishda taklif kirgizadi;
- iqtidorli talabani aniqlash bo’yicha “ITB” o’tkaziladigan imtihonning 2-chi bosqichiga yordam beradi, o’z vakillarini ajratadi;
- iqtidorli talabalar faoliyatini nazorat qilish bo’yicha ilmiy bo’lim tomondan tashkil qilingan hay’at tarkibiga professor-o’qituvchilardan o’z vakillarini ajratadi;
- institutda o’tkaziladigan ilmiy seminarlar, anjumanlar va Respublika miqyosida olib boriladigan olimpiadalarni o’tkazishda bo’limga yaqindan yordam beradi;
- fakultetga qarashli kafedralarda iqtidorli talabalarning ilmiy-tadqiqot ishlariga yaratgan shart-sharoitlarini o’rganadi, bo’lim bilan hamkorlikda ularni yaxshilash bo’yicha kafedraga o’z takliflarini kirgizadi va nazorat qiladi.
Kafedra, oliy o’quv yurti (fakultet) tuzilishidagi, bir yoki bir nechta turdosh fanlar bo’yicha o’quv, uslubiy va ilmiy-ulubiy ishlarini amalga oshiruvchi, talabalar orasida ma’naviy-ma’rifiy ishlarni olib boruvchi, shuningdek, ilmiy va ilmiy-pedagogik kadrlar tayyorlovchi hamda ularning malakasini oshiruvchi, asosiy tarmoq hisoblanadi. Kafedra fakultet dekaniga yoki bevosita rektorga bo’ysunadi. Kafedraning ishi, o’quv, ilmiy-uslubiy, ma’naviy-ma’rifiy, tadqiqot va boshqa ish turlarini qamrab olgan, istiqboliy va joriy rejalarga muvofiq amalga oshiriladi.