O`zbekiston respublikasi oliy va o`rta maxsus ta'lim vazirligi navoiy davlat pedagogika instituti pedagogika nazariyasi va tarixi

O`ZBEKISTON RESPUBLIKASI OLIY VA O`RTA MAXSUS
TA'LIM VAZIRLIGI
NAVOIY DAVLAT PEDAGOGIKA INSTITUTI


Pedagogika nazariyasi va tarixi (faoliyat turlari bo`yicha) mutaxassisligi magestranti
Rahmonova Zarnigor Tulqin qizining
Pedagogik diagnostika va korreksiya fanidan
Korreksion faoliyatning asosiy tamoyillari va tashkil etish bosqichlari mavzusida

KURS ISHI


Ilmiy rahbar : phD., dots. D.U.Numonova
Navoiy 2022-yil
KORREKSION FAOLIYATNING ASOSIY TAMOYILLARI VA TASHKIL ETISH BOSQICHLARI

REJA:

1. 
   BOB. KORREKSION FAOLIYATNI TASHKIL ETISHNING NAZARIY ASOSLARI
   

1. 
   Korreksion faoliyaning mazmun - mohiyati, maqsadi va vazifalari.
   
2. 
   Korreksion faoliyatni amalga oshirish shart – sharoitlari.
   

2. 
   BOB. KORREKSION FAOLIYATNING ASOSIY TAMOYILLARI VA TASHKIL ETISH BOSQICHLARI
   

1. 
   Korreksion faoliyaning asosiy tamoyillari.
   
2. 
   Korreksion faoliyatni tashkil etish bosqichlari
   

XULOSA
FOYDALANILGAN ADABIYOTLAR RO`YXATI

KIRISH


Mavzuning dolzarbligi: Zamonaviy sharoitda pedagogik diagnostika g‘oyalarini amaliyotda qo‘llash didaktik va tarbiyaviy jarayonlarni ilmiy, metodik, tashkiliy, amaliy jihatdan to‘g‘ri tashkillashtirilishini ta’minlaydi. O‘quvchilar tomonidan BKMning samarali o‘zlashtirilishi uchun sharoit yaratadi. Qolaversa, pedagogik jarayonda muayyan kamchiliklar ko‘zga tashlansa, ularni tezkor bartaraf etish, istiqbol vazifalarni oqilona belgilashga yordam beradi.
Bugungi kunda har bir o‘qituvchi har o‘qituvchi pedagogik diagnostika asoslarini puxta bilishi, bu boradagi mavjud bilimlaridan ta’lim va tarbiya jarayonida samarali foydalana olishi zarur. Zero, shunda pedagogik jarayonning samaradorligini ta’minlash va o‘quvchilarni har tomonlama rivojlangan shaxs etib tarbiyalashga erishiladi.
O‘qituvchining pedagogik voqelikni diagnostik tadqiq qilishda ustuvor tamoyillari, pedagogik tashxislash darajalari hamda bosqichlaridan yetarlicha xabardor bo‘lishi tegishli jarayonni samarali tashkil etilishini ta’minlaydi. Pedagogik faoliyatni tashxislash afaqat o‘qituvchining kasbiy kompetentlik sifatlariga egaligi, shu bilan birga uning pedagogik faoliyatni tashxislashning metodik jihatlaridan xabardorli hamda pedagogik diagnostikani metodik jihatdan to‘g‘ri, oqilona tashkil etishga tayyorligi to‘g‘risi bir to‘xtamga kelishga yordam beradi.Sh.M.Mirziyoyevning “Bugun oldimizda turgan o`ta muhim, ulkan vazifalardan yana biri – bizning o`rnimizga kеlayotgan, o`z fikri, o`z dunyoqarashi, zamonaviy bilim va tafakkurga ega bo`lgan yangi avlod ta’limi va tarbiyasidir”<sup>1</sup>, dеgan fikrlari pеdagog o`qituvchilar oldiga vatanimiz mustaqilligi yo`lida boshlangan islohotlarni davom ettirishga tayyor bo`lgan, o`z fikri va dunyo qarashiga, zamonaviy bilim va tafakkurga ega bo`lgan yangi avlodni tarbiyalashdеk ulug` vazifa qo`yilganini yana bir bor tasdiqlaydi.
Har tomonlama rivojlangan shaxslargina mamlakat ravnaqi, farovonligi yo`lida eng yorqin insoniy va fuqarolik fazilatlarini namoyon qilishlari mumkin. Huddi shuning uchun ham mazkur kurs ishida o`quvchilarini har tomonlama rivojlangan shaxs qilib tarbiyalashda o`qituvchi diagnostik faoliyatida amal qilishi kerak bo`lgan tamoyillar va funksiyalar nazariy nijatdan yoritib berilgan..
Ta'lim muassasalarining asosiy vazifalaridan biri – yuksak ongli, mustaqil fikrlay oladigan, xulq-atvori bilan boshqalarga ibrat bo`ladigan, bilimli, ma'rifatli komil shaxsni tarbiyalash hisoblanadi. O`sib kеlayotgan yosh avlodni shakllantirish, uning tarbiyasini milliy qadriyatlarimiz hamda jahon andozalariga ko`tarishning faol shakl, mеtod va vositalarini tadqiq etish yangilanayotgan pеdagogikaning bugungi kundagi eng dolzarb vazifalaridandir. Bu vazifalarni ijobiy hal etish, o`z navbatida, ta'lim-tarbiya mazmunini zamonaviy pеdagogik tеxnologiyalarning yutug’lari asosida boyitishni talab etadi. Buning uchun pеdagogning ta'lim muassasalaridagi tarbiyaviy faoliyatiga o`quvchi-yoshlarda ijtimoiy va kasbiy zarur fazilatlarni shakllantirishga qaratlilgan ilmiy-amaliy tizim sifatida qaralishi lozim.