O`zbekiston respublikasi oliy va o’rta maxsus ta`lim vazirligi namangan davlat universiteti pedagogika fakulteti

Ta’lim shakli, ta’lim metodlari, ta’lim vositalari- bu ta’lim jarayoni 
hisoblanadi. 
 
Ta’lim jarayoni – u yoki bu ilmiy masalani to’g’ri, mantiqiy izchillikda va 
aniq izohlab berish orqali o’qituvchi shaxsining barcha boyligi: ongi, hissiyoti, 
irodasi, tuyg’usi, e’tiqodi orqali o’quvchilar ichki dunyosi bilan muloqotda 
bo’lishining eng samarali, jonli shaklidir. Bunda o’qitishning yo’naltiruv, axborot 
berish, metodologik va tarbiyalov funktsiyalarini ro’yobga chiqarishga yordam 
beradi. 
Darsning 
yo’naltiruv funktsiyasida o’quvchilarning diqqati o’quv 
materialining asosiy qoidalariga va uni o’zlashtirish metodlariga jalb qilinadi. 
Darsning asosiy qismida axborot berish funktsiyasi o’qituvchi tomonidan asosiy 
ilmiy faktlar, qoidalar, xulosalarning mohiyatini ochish chog’ida amalga oshiriladi. 
O’qitishning tarbiyalov funktsiyasi ta’lim jarayonida o’quv materialiga hissiy baho 
berish munosabatlarini uyg’otish, qiziqishlarini o’stirish, mantiqiy fikrlash va 
isbotlashni oydinlashtirish yo’li bilan amalga oshiriladi. O’quvchilarning mustaqil 
fikrlash salohiyatini o’stirishda hamda mustaqil ijodiy ishlarga yo’llashda anjuman 
ma’ruzalar tashkil etish samarali natija beradi.