Kechki ovqatda fizika munozarasi
1-o’quvchi: Nima uchun non qotadi?
2-o’quvchi: Nonning qotib qolish sabablaridan biri, non tarkibidagi suvning
bug’lanishdir.
1-o’quvchi: Issiq ovqatni yog’och qoshiq bilanmi yoki metall qoshiq bilan ichish
afzal? Nega?
2-o’quvchi: YOg’och qoshiq bilan ichish afzal, chunki yog’och issiqlikni metallga
nisbatan kam o’tkazadi, shuning uchun u issiq bo’lmaydi.
1-o’quvchi: Piyoladagi issiq choyni qanday sovutish mumkin?
2-o’quvchi: CHoyga metall qoshiq solinsa metall issiqlikni yaxshi o’tkazgani uchun
choy tezroq soviydi. Bug’lanishni kuchaytirish uchun choyni puflash kerak.
1-o’quvchi: Nima uchun chovgumdagi suv qaynash oldidan ovoz chiqaradi?
2-o’quvchi: Suvda havo pufakchalari mavjud. Qizish natijsida suv pufakchalari
kattalashadi va yuqoriga ko’tariladi. Qaynash oldidan pufakchalar soni ko’payadi, ularning
yorilishi natijasida suvning o’ziga xos ovozi chiqa boshlaydi.
1-o’quvchi: Nima uchun chovgumdagi suv qaynayotganda uning qopqog’i sakraydi?
2-o’quvchi: Isish natijasida hosil bo’lgan bug’ bosimi qopqoni ko’taradi, bug’ning
bir qismi tashqariga chiqqach bosim bir oz pasayadi va qopqoq joyiga tushadi.
Do'stlaringiz bilan baham: |