O‘zbekiston respublikasi oliy va o‘rta maxsus ta’lim vazirligi namangan davlat universiteti ahmadaliyev A’zamjon Rustamovich. «Kurashchilarning tehnik tayorgarligini mahsus harakatli o`yinlar yordamida rivojlantirish uslubiyoti»

3.4. Tezkorlik va chidamkorlik sifatlarini rivojlantirishda maxsus harakatli o’yinlarsamarasi.

Chidamkorlik - sportchini uzoq vaqt ichida charchamasdan, ish qobiliyati, sifati va samaradorligini susaytirmasdan faoliyat ko’rsatish qobiliyatini aks ettiradi. Chidamkorlik sifatini tarbiyalash mashg’ulot jarayonining asosiy vazifalaridan biridir. Malakali sportchilarni tayyorlashda ushbu sifatni yuqori darajada shakllangan bo’lishi muhim ahamiyatga ega. Chunki yuqori sport natijasiga erishish to’g’ridan – to’g’ri chidamkorlik sifatiga bog’liq bo’ladi.

Chidamkorlik sportchilarning yoshiga, ularning jismoniy va funktsional tayyorgarligiga hamda sport malakasiga qarab tarbiyalanishi kerak. Bunda turli maxsus harakatli o’yinlar mashqlar, sport o’yinlari, estafetalar, kross, suzish va boshqa shunga o’xshash mashg’ulotlardan foydalanish ayni muddao bo’ladi.

Chidamkorlik - umumiy va maxsus chidamkorlikka bo’linadi. Umumiy chidamkorlik uzoq muddatda samarali ish faoliyatini davom ettira olishdan iborat.

Maxsus chidamkorlik muayyan sport turining xususiyatlarini e`tiborga olgan sifatdir. Masalan, kurashda maxsus tezkor chidamkorlik, kuch chidamkorligi va olib borish chidamkorligi maxsus chidamkorlik tarkibiga kiradi.

Sportchilarda, ayniqsa ularni sport malakalariga dastlabki o’rgatish bosqichida, chidamkorlik sifatini rivojlantirish maxsus harakatli o’yinlar mashqlar yordamida amalga oshirilsa ushbu jarayon o’ta samarali kechishi ko’pgina tadqiqotchilar tomonidan e`tirof etilgan. Shuni ng uchun yakuniy malakaviy ishda kurash bilan endigina shug’ullanishni boshlagan 10-12 yoshli bolalar chidamkorligini oshirishda yuqorida qayd etilganmaxsus harakatli o’yinlar mashqlardan foydalanish samarasini aniqlash maqsad qilib olingan.

Ushbu maqsadni amalga oshirish pedagogik tadqiqot yordamida hal etildi. Olingan natijalar 10 jadvalda qayd qilingan.

Tadqiqot davomida qo’llanilgan 4x10 m ga mokkisimon yugurish test mashqi nafaqat tezkorlik (maxsus tezkorlik) sifatini baholashga mo’ljallangan edi balki kurashchilarni maxsus chidamkorligini aniqlashga ham qaratilgan edi.
7 jadval