O`zbekiston respublikasi oliy va o`rta maxsus ta`lim vazirligi navoiy davlat pedagogika instituti maktabgacha va boshlang`ich ta`lim fakulteti boshlang`ich ta`lim va sport tarbiyaviy ish ta`lim yo`nalishi ona tili o`qitish metodikasi fanidan

Bitiruv malakaviy ishining maqsadi ham aynan mana shulardan iborat bo`lib, ya`ni 3-sinf ona tili darsida gap va uning turlarini o`rgatishdir. Mavzuni yoritishda avval davlat ta`lim standartlari talablariga yondoshdik. So`ngra dastur va darsliklardan foydalangan holda yoritishga harakat qildik.

Shu o`rinda 3-sinf ona tili darsligi haqida qisqacha to`xtalsam, 3-sinf ona tili kitobi M. Xudoyberganova, S. Fuzailov, SH. Yo’ldoshevalar kabi mualliflar tomonidan nashrdan chiqqan.

Darslikning tuzulishi, mazmuni o`quvchilar yosh xususiyatiga to`la monandligi bizga juda yoqdi. Shuni aytish kerakki, uning mazmuni va tarkibi o`quvchini o`quv qo`llanmalari bilan mustaqil muloqatga unday oladi. Darsning samaradorligi uning maqsadga muvofiq tarzda qurilishi ta`lim-tarbiyaning tashkiliy shaklidir. Bu esa o`z navbatida ta`limning maqsadi, o`quv qo`llanmaning mazmuni hamda ta`lim metodlarining uyg`unligiga bog`liq. Bu uyg`unlik dars jarayonida o`qituvchi va o`quvchilar orasida muloqot qilish uchun qulay sharoitlar yaratish kerak.

Ma`lumki, dars 40-45 minut davom etadi. Boshlang`ich ta`lim oldiga yangi maqsadning qo`yilishi, darsning yangi yo`nalishini ishlab chiqish sohasida izlanishlar olib borishni taqozo qiladi. Darsning tarkibi ta`lim maqsadi va mazmuni bilan uzviy tarzda bog`liq bo`lishi lozim. Darsni o`qituvchining o`zi ta`lim samaradorligini oshirishda o`yin faoliyatidan o`quv-biluv faoliyatiga o`tish imkonini beradigan metodlarini ishlab chiqish lozim. O`yin boshlang`ich ta`limda o`qitishning muhim metodlaridan biri sifatida ko`rilishi shart.

Eng avvalo bizning ta`lim tizimiga bo`lgan munosabatimizni ham tubdan o`zgartirish kerak. Ta`lim islohati bizni demokratik o`zgarishlar, yangi jamiyat barpo etish yo`lida dadil yetaklovchi, barchamizni harakatlantiruvchi ichki kuch bo`lmog`i lozim.

Bu o`rinda Birinchi Prezidentimiz I.A. Karimovning “Kelajak bugundan boshlanadi, hozir tarbiya masalasiga e`tibor berilmasa, kelajak boy beriladi”,- degan fikrlarini aytib o`tmoqni joiz deb bildik.

Malakaviy bitiruv ishimizning mavzusi 3-sinf ona tili darslarida gap va uning turlarini o`rgatish metodikasi bo`lib, bunda rejada mavzuni atroflicha yoritishga harakat qildik. Asosan o`quvchini grammatikaga oid bilimlariga, shuningdek, dastur va darslikka, 3-sinfga mo`ljallangan qo`llanmalarga asoslandik.

Mamlakatimizning gullab yashnashi, fuqarolarning ma`rifat darajasi ko`p jihatdan o`qituvchi faoliyatiga bog`liq. Yaxshi muallim o`qimishli, yuksak ma`naviyatli insonlarni tarbiyalaydi. Bolalarimizning qanday inson bo`lib o`sishi , ularning istiqboli ko`p jihatdan o`qituvchining saviyasiga bog`liq, ota-onalar farzandlarida ona Vatanga muhabbat, mehnatsevarlik, bilimga qiziqish, rostgo`ylik, millatparvarlik fazilatlarini shakllantirsa, o`qituvchi ularni yanada har tomonlama barkamol o`stirish, tarbiyalash, ilm-hunarli qilib voyaga yetkazish kabi ulug` niyatlar yo`lida ter to`kadi, mehnat qiladi. Malakaviy bitiruv ishimizni yozishda yurtboshimiz Sh.M.Mirziyoyev asarlariga, shuningdek, ilmiy rahbarimning ko`rsatmalariga tayangan holda yoritishga harakat qildik.