O‘zbekiston respublikasi oliy va o‘rta maxsus ta’lim vazirligi muxammad al-xorazmiy nomidagi toshkent axborot texnologiyalari universiteti huzuridagi pedagog kadrlarni qayta tayyorlash va ularning malakasini oshirish tarmoq markazi

1.1. Python dasturlash tili haqida umumiy tushuncha

Python dasturlash tili ommabop, yuqori samaradorlikga ega dasturlash tili hisoblanadi va u turli xildagi qiziqarli dasturlarni yaratish imkonini beradi. Python dasturlash tili yordamida veb ilovalar, o‘yinlar, amaliy dasturlash va ma’lumotlar bazasi ustida turli amallar bajaruvchi dasturlar yaratish mumkin. Python dasturlash tili boshqa dasturlash tillariga nisbatan sun’iy intelekt sohasida sezilarli darajada keng imkoniyatga ega.
Dastlab Python dasturlash tili 1991 yilda Gollandiyalik dasturchi Gvido van Rossum tomonidan yaratilgan. Dasturlash tili yaratilganidan buyon rivojlanib kelmoqda. Rivojlanishlar o‘zining samarasini 2000 yilga kelib berdi va dasturlash tilining 2.0 versiyasi ommaga taqdim etildi. 2008 yilda esa 3.0 versiyasi yaratildi. Versiyalar orasidagi bunchalik uzoq vaqt uzulishlarga qaramay Pythonning yangi versiyalari chiqishda davom etmoqda. Hozirgi vaqtda dasturlash tilining 3.7 versiyasidan butun jahonda foydalanib kelinmoqda.
Python dasturlash tili juda sodda dasturlash tili hisoblanadi. Shu bilan birga bu dasturlash tilini o‘rganish osonligi bilan ajralib turadi, bu hususiyati dasturlash tilini tobora keng tarqalishiga sabab bo‘lmoqda va juda ko‘p mamlakatlarda keng o‘rganilmoqda. Python dasturlash tili 2014 yilda AQShda yilning eng mashhur (ommabop) dasturlash tili deb e’tirof etilgan. Bu dasturlash tili nafaqat keng o‘rganilmoqda, shu bilan birga savdo sohasida ham oldinlab bormoqda.
Pythonda dastur yozish qoidalari
Barcha dasturlash tillarida bo‘lgani kabi Python dasturlash tilining ham o‘ziga mos alifbosi va dastur yozish qoidalari mavjud. Python dasturlash tilida har bir buyruqlar yangi satrda joylashtiriladi.
Masalan:
print(2 + 3)
print(“Hello”)
Python dasturlash tilida bo‘sh joy va tabulyatsiya juda katta ahamiyatga ega. Python dasturlash tilida operatorlar blokini tashkil etish bo‘sh joy va tabulyatsiya orqali amalga oshiriladi. Noto‘g‘ri qo‘yilgan bo‘sh joy yoki tabulyatsiya xatolik keltiradi. Masalan, yuqoridagi kodni o‘zgartirib yoziladigan bo‘lsa, xatolik ko‘rsatadi.