O’zbekiston respublikasi oliy va o’rta maxsus ta’lim vazirligi munira Jo’raqulovna Allayeva, Ziyovuddin Zaynutdinovich Hakimov, Soloy Ro’zimamatovich Ismailov, Salohiddin Djo’rayevich Aminov

Rp.: Barbitali natrii 0,3
D.t.d.N. 10
S. 1 sochmadan uxlashdan 30 daqiqa oldin ichish uchun
Taqsimlangan sochmaning og‘irligi 0,1 grammdan 1,0 grammgacha (o‘rtacha 0,3-0,6 g) bo‘ladi. Agar dori moddasining dozasi 0,1 grammdan kam bo‘lsa, u holda uning o‘rtacha og‘irligiga etguncha miqdorda constituens qo‘shiladi. Sochmalar uchun konstituens sifatida shakar – saccharum hamda choy sodasi natrii bicarbonas yoki natrii hydrocarbonas ishlatiladi.
Misol: td=0,025 g bo‘lgan kodein fosfatning 12 ta sochmasiga choy sodasi qo‘shilgan holda retsept yozilsin. 1 ta sochmadan kuniga 3 mahal ichish uchun tavsiya qilinsin.
Rp.: Codeini phosphatis 0,025
Natrii bicarbonatis 0,3
M.f. pulvis.
D.t.d.N.12
S. 1ta sochmadan kuniga 3 mahal ichish uchun
Uchuvchanlik xususiyatiga ega bo‘lgan yoki gigroskopik moddalar sochma holidagi suv o‘tkazmaydigan mumlangan (Charta cerata) yohud parafinlangan (Charta parafinata) qog‘ozlarda beriladi va buhaqda retseptda ko‘rsatiladi.
Misol: td=0,15 g bo‘lgan kamforaning mumlangan qog‘ozdagi 10 ta sochmasiga retsept yozib berilsin. 1 sochmadan kuniga 3 mahal ichish uchun tavsiya qilinsin.
Rp.: Camphorae tritae 0,15
D.t.d.N. 10 in charta cerata
S. 1 sochmadan kuniga 3 mahalichilsin
Ofitsinal sochmalarga retsept yozganda, ularning faqat nomi va miqdori ko‘rsatiladi, tarkibi esa ko‘rsatilmaydi.
Misol:Murakkab lakrik sochmasidan 100 grammiga retsept yozilsin va 1 choy qoshiqdan kuniga 3 mahal ichish uchun buyurilsin.
Rp.: Pulveris Liquiritiae compositi 100,0
D.S. 1 choy qoshiqdan kuniga 3 mahal ichilsin
Kapsula – Capsula – dozalangan sochmasimon, pasta hosil qiluvchi, granulalangan va suyuq dorilarning mahsus qobiq bilan o‘ralgan shaklidir. Ta’mi, hidi yoqimsiz yoki ta’sirlantiruvchi xossaga ega bo‘lgan dori preparatlari kapsulalarda beriladi. Kapsulalar kraxmalli (amylaceis) va jelatinli (gelatinosis) bo‘ladi. Retseptda kapsulaning turini ko‘rsatish lozim.
Misollar:
1. td=0,3 g bo‘lgan xinidin sulfatning jelatinli kapsuladagi 10 ta sochmasiga retsept yozilsin va 1 ta kapsuladan kuniga 3 mahal ichish uchun tavsiya qilinsin.