O’zbekiston respublikasi oliy va o’rta maxsus ta’lim vazirligi munira Jo’raqulovna Allayeva, Ziyovuddin Zaynutdinovich Hakimov, Soloy Ro’zimamatovich Ismailov, Salohiddin Djo’rayevich Aminov

Ko‘zga surtish uchun ishlatiladi: 1) liniment 2) shamcha 3) sochma 4) surtma 5) eritma

1. 
   faqat 4
   
2. 
   faqat 5
   
3. 
   1, 4
   
4. 
   2, 3
   
5. 
   4, 5
   

TABLETKA, KAPSULA, DRAJE, KUKUN, KARAMEL, VA BOSHQA QATTIQ DORI VOSITALARIGA RETSEPT YOZISH.
Sochma (poroshok, kukun) – Pulvis (qaratqich kelishik birlik sonda – pulveris, qisqartirilgani – pulv.) – sirtga qo‘llash yoki ichish uchun buyuriladigan, sochiluvchanlik xossasiga ega bo‘lgan qattiq dori shakli.
Oddiy (bitta ta’sir ko‘rsatuvchi moddadan iborat) va murakkab sochmalar (ikki yoki undan ortiq ta’sir ko‘rsatuvchi moddadan iborat), shuningdek, dozalarga taqsimlangan va taqsimlanmagan sochmalar tafovut qilinadi.
Maydalanish darajasiga qarab ular quyidagilarga ajratiladi:
Yirik – grossus
Mayda – subtilis
Juda mayda –subtilissimus
Sirtga ishlatiladigan sochmalarning miqdori 5 grammdan 100 grammgacha bo‘ladi va dozalarga taqsimlanmagan shaklda yoziladi.
Misol:Streptotsidning juda mayda sochmasidan 20 grammiga retsept yozilsin va jarohat yuzasiga sepish uchun buyurilsin.
Rp.: Streptocidi subtilissimi 20,0
D.S. Jarohatga sepish uchun
Terapevtik dozasining ahamiyati juda katta bo‘lmagan sochmalar ichish uchun dozalarga taqsimlanmagan shaklda yoziladi.
Misol: 30,0 magniy oksidiga retsept yozilsin. ¼ choy qoshiqdan kuniga 3 mahal ovqatdan 2 soat keyin qabul qilish uchun tavsiya qilinsin.
Rp.: Magnesii oxydi 30,0
D.S. Ovqatdan 2 soat keyin ¼ choy qoshiqdan kuniga 3 mahal ichilsin

Terapevtik dozasining ahamiyati katta bo‘lgan sochmalar ichish uchun dozalarga taqsimlangan shaklda yoziladi. Bunday oddiy sochmalarni yozishda reseptda dori moddasining nomi yozilib, uning bir martalik dozasi belgilab qo‘yiladi. So‘ngra D.t.d.N. yozilib, sochmaning soni belgilanadi, so‘ngra S. yoziladi.

Misol: td = 0,3 g bo‘lgan barbital natriyning 10 ta sochmasiga retsept yozilsin. 1 ta sochmadan uxlashdan 30 daqiqa oldin ichish uchun buyurilsin.