O`zbekiston respublikasi oliy va o`rta maxsus ta`lim vazirligi muqimiy nomidagi qo‟qo‟n davlat pedagogika instituti “Boshlang`ich ta`lim metodikasi” kafedrasi

2. Воситали тўлдирувчи  кимга? нимага? кимда? нимада? кимдан? нимадан? ким билан?
нима билан? ким ҳақида? каби сўроқларга жавоб бўлади ва қуйидагича ифодаланади: 
1) от билан: Хатни қалам билан ѐзди. 
2) олмош билан: Равшан сен билан боради. 
3) отлашган сўзлар билан:
а) отлашган сифат билан:  Яхшига ѐндаш, ѐмондан қоч. 
б) отлашган сон билан: Бешдан иккини айириш керак. 
в) отлашган сифатдош билан: Айтганимга кўнишмади. 
г) отлашган равиш билан: Камига узр сўраймиз. 
д) отлашган тақлид сўз билан: Замбаракларнинг гумбур-гумбурига қулоқ солди. 
е) отлашган ундов сўз билан: Унинг дод-войига қулоқ солмади.  
ѐ) отлашган модал сўз билан: Борига шукур қилиш керак. 
4) ибора билан: Оғзи бўшга ишониб бўлмайди. 
5) сўз бирикмаси билан: Кеча келмаганларга хабар бериш керак. 
Кўмакчилар ѐрдамида шаклланган воситали тўлдирувчилар билан худди шу кўринишда 
шаклланган вазият ҳоллари саволларига қараб фарқланади: Пахта машина билан терилди 
(нима билан? - тўлд.). Пахта завқ билан терилди (қандай? - ҳол). Жўналиш, ўрин-пайт ва 
чиқиш келишигидаги сўзлар доимо тўлдирувчи бўлиб келавермайди, улар ҳол вазифасини ҳам 
бажаради, бунда ҳам улар саволга қараб фарқланади: У ѐлғондан (ѐлғондакамига, жўрттага) 
ҳайрон бўлди (қандай? - ҳол). У акасидан эшитди (кимдан? - тўлд.). У мактабга борди 
(қаерга? - ҳол). Менга гапирди (кимга? - тўлд.). 

---

 
 2-§. Аниқловчи ва унинг турлари. 
Гапдаги бирор бўлакнинг белгисини ѐки бир нарса-буюмнинг бошқасига қарашли 
эканлигини билдирган бўлак аниқловчи дейилади. Аниқловчи гап ичида ҳар доим отга ѐки 
отлашган сўзга боғланади: Майда қор ѐғяпти. Қовуннинг оғири, тарвузнинг енгили ширин 
бўлади.
Аниқловчи гап ичида эгага ҳам, кесимга ҳам, тўлдирувчига ҳам, ҳолга ҳам тобе бўла олади.