O`zbekiston respublikasi oliy va o`rta maxsus ta`lim vazirligi muqimiy nomidagi qo‟qo‟n davlat pedagogika instituti “Boshlang`ich ta`lim metodikasi” kafedrasi

Оппоқ машина кенг кўчада навбатдаги чорраҳани кесиб ўтмоқда эди. Тошкент жуда 
чиройли шаҳар.
Аниқловчи икки хил бўлади: 
 
 1. Сифатловчи-аниқловчи 
 Сифатловчи-аниқловчи предметнинг белгисини, миқдорини, тартибини билдиради ва
қандай? қанақа? қайси? қанча? нечанчи? неча? қаердаги? каби сўроқларга жавоб бўлади. 
Сифатловчи-аниқловчи томонидан аниқланган бўлак сифатланмиш деб юритилади. 
Сифатловчи ва сифатланмиш ўзаро битишув йўли билан боғланади: Нотаниш киши унга 
қаради. 
Сифатловчи-аниқловчи қуйидагича ифодаланади:
1. Сифат билан: Биз сержун ва сергўшт қўйларни кўпайтиряпмиз. 
2. От билан: Асфальт йўлдан машиналар ғиз-ғиз ўтиб турибди. Бундай аниқловчилар 
баъзан мажозий (кўчма) маънони ифодалаши мумкин: Кумуш чойшаб ѐпиб далалар...
3. Сон билан: Тўйга уч қоп ун олинди. 
4. Олмош билан: Бу китоб меники. 
5. Сифатдош билан: Ўқиган одам ҳаѐтда қийналмайди. 
6. Равиш билан: Кўп гапнинг ози яхши, оз гапнинг ўзи яхши. 
7. Тақлид сўз билан: Шитир-шитир овоз эшитилди. 
8. Модал сўз билан: Бор уйда бол томади. 
9. Ибора билан: Унда оғзининг таноби қочадиган одат бор. 
10. Сўз бирикмаси билан (бунда сифатловчи ва сифатланмиш, қаратувчи ва қаралмиш, 
тўлдирувчи ва тўлдирилмиш, ҳол ва ҳолланмиш бирикмалари сифатловчи-аниқловчи бўлиб 
келади): У биринчи кунги ишни якунлади. Укамнинг уйидаги молларни ҳам олиб кетишибди. 
Менга тегишли бўлакни қолдиринг. Эртага бўладиган мажлис қолдирилди.
Баъзан сифатловчи аниқловчилар сўз бирикмалари билан ифодаланиб, ѐйиқ ҳолда келиши 
мумкин: Мисдек қизариб турган юзини икки кафти орасига олиб, пешонасига юзини босди. 
Бунда сифатдош бошқа сўзлар билан бирикма ҳосил қилиб, сифатдош қурилмани (18; 95) 
ташкил этади.