O‘zbekiston respublikasi oliy va o‘rta maxsus taʼlim vazirligi mirzo ulug‘bek nomidagi o‘zbekiston milliy universiteti

Tarmoq nomi
(Service Set Identifier, SSID) – bu simsiz tarmoq identifikatori, 
u mijozlarga simsiz tarmoqni topish, simsiz tarmoqqa ulanish uchun ushbu tarmoq 
parametrlarini olish imkonini beradi. Odatda, mavjud simsiz tarmoqlarning 
identifikatorlari mijoz qurilmalarida simsiz tarmoq ulanishlari qismida ko‘rsatiladi. 
Xuddi shu identifikatorlar keyinchalik ulanish parametrlarini saqlash uchun 
ishlatiladi (shu jumladan, ulanish uchun ishlatilgan parollar va boshqa parametrlar). 
Tarmoq identifikatori har 100 milli sekundda maxsus signal paketlari 
yordamida radioto‘lqinlar orqali uzatiladi. Agar kerak bo‘lsa, kirish nuqtasi 
identifikatorini yashirishi mumkin (xavfsizlikni taʼminlash maqsadida) va qo‘shni 
kirish nuqtalari bir xil identifikatorlardan foydalanishi mumkin (keng hudud bo‘ylab 
simsiz tarmoq yaratishga imkon beradi). 
Chastota kanali
– bu maʼlumotlarni uzatish uchun ishlatiladigan chastota 
diapazonini bildiruvchi son. Odatda 1 dan 13 tagacha kanal bo‘ladi (har xil 
davlatlarda farq qilishi mumkin). Har bir kirish nuqtasi bitta kanaldan foydalanadi, 
simsiz tarmoq mijozlari ushbu kanal orqali kirish nuqtasiga ulanadi. Bir nechta 
kirish nuqtalari bitta xizmat ko‘rsatish zonasida (taʼsir zonasida) joylashganida 
kanallarni tanlash muammosi paydo bo‘ladi. 
Agar bunday kirish nuqtalarida bir xil chastota kanali ishlatilsa, u holda bu 
maʼlumot uzatish tezligini sezilarli darajada pasaytiradi, chunki turli xil Wi-Fi 
tarmoqlari umumiy muhitdan foydalanishga majbur. Bundan tashqari, chastota 
kanalini tanlashda yonma-yon turgan kanallarning bir-biriga o‘zaro taʼsirini hisobga 
olish kerak. Shu munosabat bilan, bir-biriga yaqin turgan kirish nuqtalarining 
kanallari 
shunchaki 
bir-biridan 
farq 
qiluvchi 
yonma-yon 
kanallardan 
foydalanmasligi, aksincha bir-biridan uzoqda bo‘lgan kanalardan foydalangani 
maqsadga muvofiq. To‘liq ajratilgan kanallar (yaʼni bir-biriga salbiy taʼsir 
etmaydigan kanallar) bu 1, 6 va 11 kanallardir. 

---

114 
Kanalni sozlashda kanallarni avtomatik aniqlash rejimini tanlash maqsadga 
muvofiq. Bunday holda, kanal kirish nuqtasi tomonidan avtomatik ravishda 
atrofdagi signallarni tahlil qilgan holda belgilanadi. 
1 dan 13 gacha bo‘lgan kanal sonlari 2,4 gigagertsli simsiz tarmoqlar uchun 
amal qiladi. Shu bilan birga, 5 gigagertsli chastota diapazoni simsiz tarmoqlarni 
qurish uchun ham ishlatilishi mumkin, bu diapazon yangi Wi-Fi standartlarida 
tobora ko‘proq foydalanilmoqda. 5 gigagerts chastotali Wi-Fi tarmoqlari mavjud 
kanallarning o‘z ro‘yxatiga ega. Masalan 34 dan 64 gacha, 100 dan 128 gacha.