O‘zbekiston respublikasi oliy va o‘rta maxsus ta’lim vazirligi mirzo ulufbek nomidagi o‘zbekiston milliy universiteti

 
12.2. Quruqlik suvlari muhofazasi  
 
Jamiyat  taraqqiyoti  bilan  bog‘liq  holda  insoniyatning  suvga  bo‘lgan  talabi 
yildan-yilga  ortib  boraveradi.  Bu  jarayon,  ayniqsa,  aholi  punktlari  va  sanoat 
korxonalari  suv  ta’minotida,  sug‘orma  dehkonchilikda  va  yaylovlarni  suv  bilan 
ta’minlashda,  shuningdek,  elektr  energiyasi  ishlab  chiqarishda,  suv  transportida, 
baliqchilik xo‘jaligi va boshqa sohalarda yaqqol seziladi. Bir so‘z bilan aytganda, 
xalq xo‘jaligining suvga ehtiyoj sezmaydigan birorta tarmog‘i yoki sohasi yo‘q.  
Hozirgi  kunga  kelib,  dunyodagi  ko‘pgina  mamlakatlarda  odamlarni  toza 
ichimlik  suv  bilan  ta’minlash  masalasi  asosiy  muammo  bo‘lib  qoldi.  CHunki, 
ulardagi  mavjud  chuchuk  suv  resurslari  miqdori  cheklangan.  Natijada,  aholi  soni 
yildan-yilga  ortib  borayotgan,  sanoat  va  qishloq  xo‘jaligi  ishlab  chiqarishi  jadal 
suratlarda  rivojlanayotgan mamlakatlarning ko‘pchiligidagi mavjud suv resurslari 
unga  bo‘lgan  talab  va  ehtiyojlarni  qondirish  uchun  etarli  emas.  Bu  holat  dunyo 
miqyosida suv resurslarini muhofaza qilish va ulardan tejamli foydalanishni asosiy 
vazifalardan biri qilib qo‘ymoqda. 
Suv  resurslarini  muhofaza  qilish  va  ulardan  samarali  foydalanishni  yo‘lga 
qo‘yishda, birinchi navbatda, ma’lum bir ma’muriy hudud bo‘yicha suvga bo‘lgan 
talabni qondirish uchun hozirgi kunda qancha miqdorda suv kerak bo‘lishini bilish 

---

 
154 
lozim.  Ikkinchi  o‘rinda  esa,  kelajakda  suvga  bo‘lgan  talab  qanday  miqdorlarda 
o‘zgarishini aniqlash zarur.  
Xalq  xo‘jaligining  barcha  tarmoqlari,  ularning  suv  resurslariga  bo‘lgan 
munosabatiga bog‘liq holda, quyidagi ikki guruhga ajratiladi: 
1) suv iste’molchilari; 
2) suvdan foydalanuvchilar.