O‘zbekiston Respublikasi Oliy va o‘rta maxsus ta'lim vazirligi jizzax politexnika instituti

2. «Копировать» - «Нусха олиш» буйруғи

Компьютерда график ахборотларни бажариш жараёнида уларнинг айрим элементларидан нусха олиб, бошқа жойга қўйишда «Копировать» буйруғидан фойдаланилади.

Бу буйруқ қуйидаги алгоритм асосида бажарилади:
1. Объект ажратилади ва «Копировать»-«Нусха олиш» буйруғи «Сичқон» ёрдамида юкланади.
2. Шунда мулоқотлар ойнасида навбатдаги «Таянч нуқтасини кўрсатинг ёки [Перемещение]:» сўрови пайдо бўлади. Агар объектнинг нусхаси битта бўлса, бу сўровга унинг бирор нуқтаси кўрсатилади. Агар объектнинг нусхаси бир нечта бўлса, бу сўровга кўп нусха олиш қўшимча буйруғи – «Перемещение»нинг биринчи П ҳарфи териб киритилади.
3. Объектнинг «Сичқон» ёрдамида боғланган таянч нуқтаси чизманинг керакли жойига келтирилиб, унинг чап тугмаси билан қайд этилади. Натижада нусхаси кўчирилиб олинган объект янги жойда тасвирланиб қолади. Агар кўп нусха олиш қўшимча буйруғи юкланган бўлса, объектнинг таянч нуқтаси чизманинг керакли жойларига бирин-кетин келтирилиб, қайд этилади ва унинг кўплаб тасвирлари ясалади.


3. «Зеркало» - «Кўзгу» буйруғи

Компьютерда график ахборотларни бирор чизиққа нисбатан симметрик тасвирларини «Зеркало»-«Кўзгу» буйруғидан фойдаланиб осонгана ясалади. «Зеркало»-«Кўзгу» буйруғи қуйидаги алгоритм асосида бажарилади:

1. Объект ажратилади ва «Зеркало»-«Кўзгу» буйруғи «Сичқон» ёрдамида юкланади. Шунда мулоқотлар ойнасида навбатдаги «Симметрия ўқининг биринчи нуқтасини киритинг» сўрови пайдо бўлади. Бу сўровга сўралган нуқта киритилгач, навбатдаги «Симметрия ўқининг иккинчи нуқтасини киритинг» сўрови пайдо бўлади.
2. Иккинчи сўралган нуқта киритилгач, сўнгги «Берилган тасвир йўқотилсин-ми ёки йўқотилмасин-ми (Да\Нет) сўрови пайдо бўлади. Бу қўшимча буйруқлардан бирортасининг бош ҳарфи киритилади. Агар Д ҳарфи киритилса, берилган тасвир чизмадан йўқолиб, унга симметрик бўлган тасвир пайдо бўлади. Агар Н ҳарфи киритилса, берилган тасвир чизмада ўз ўрнида қолиб, унга симметрик бўлган тасвир пайдо бўлади. Компьютер ҳар доим Н ҳарфини таклиф қилади. Шуниниг учун иккинчи сўровга симметрия ўқининг иккинчи нуқтасини киритиб, «Enter» тугмаси юкланса, берилган чизмага симметрик бўлган тасвир, масалан берилган икки айланага, симметрия ўқи-тасвирдаги тўғри чизиққа нисбатан иккита айлана чизилиб қолади.