O’zbekiston respublikasi oliy va o’rta maxsus ta’lim vazirligi jizzax politexnika instituti

Bumerang
Texnologiyaning tavsifi. Ushbu texnologiya shaxsiy tarkibni mashg‘ulot jarayonida, mashg‘ulotdan tashqarida turli adabiyotlar, matnlar bilan ishlash, o‘rganilgan materialni yodida saqlab qolish, so‘zlab berish, fikrini erkin holda bayon eta olish, qisqa vaqt ichida ko‘p ma’lumotga ega bo‘lish hamda mashg‘ulot mobaynida mashg‘ulotni o‘tuvchi tomonidan barcha tinglovchilarni baholay olishga qaratilgan.
Texnologiyaning maqsadi. O‘quv jarayoni mobaynida tarqatilgan materiallarni shaxsiy tarkib tomonidan yakka va guruh holatida o‘zlashtirib olishlari, bir-birlariga o‘qilgan axborotlarni to‘liq yetkazish hamda suhbatmunozara va turli savollar orqali tarqatma materiallardagi matnlar qay darajada o‘zlashtirilganligini nazorat qilish va baholash, shuningdek, o‘quv jarayoni mobaynida har bir tinglovchi tomonidan o‘z baho (yoki ball)larini egallashga imkoniyat yaratish.
Texnologiyaning qo‘llanishi. Amaliy mashg‘ulotlar, seminar yoki laboratoriya mashg‘ulotlari hamda suhbat-munozara shaklidagi darslar yakka tartibda, kichik guruh, va jamoa shaklida foydalanilishi mumkin. Mashg‘ulotda foydalaniladigan vositalar. Tinglovchi dars jarayonida mustaqil o‘qishlari, o‘rganishlari va o‘zlashtirib olishlari uchun mo‘ljallangan tarqatma materiallar (o‘tilgan mavzu yoki yangi mavzu bo‘yicha qisqa matnlar, suratlar, ma’lumotlar).
Mashg‘ulotni o‘tkazish tartibi. Ushbu texnologiya bir necha bosqichda o‘tkaziladi:
• o‘quv materiali mavzusini nechta qisqa matnlarga bo‘linishiga qarab tinglovchilar kichik guruhlarga ajratiladi (guruhlar soni tarqatiladigan matnlar soniga teng bo‘lishi kerak);
• shaxsiy tarkib darsning maqsadi va tartibi bilan tanishtiriladi;
• shaxsiy tarkibgaga o‘rganiladigan mavzu mazmuniga tegishli kinolavha ko‘rsatiladi: ulardan shu kinolavha asosida mashg‘ulotning mavzusi va mazmunini keltirib chiqarishlari so‘raladi;
• so‘ngra ularning har biriga mustaqil o‘rganishlari uchun mavzu bo‘yicha matnlar tarqatiladi;
• berilgan matnlar tinglovchilar tomonidan yakka tartibda mustaqil o‘rganiladi;