O‘zbekiston respublikasi oliy va o‘rta maxsus talim vazirligi jizzax politexnika instituti «Bino va inshootlar Qurilishi»

g) Konstruktiv rejalar hamda alohida

qism va detallarni loyihalash.

Talaba konsultant bilan kelishilgan holda loyihalanayotgan binoga tegishli bo‘lgan 3-4 ta alohida qism va detallarni 1:10 yoki 1:20 masshtabda bajaradi.

Amaldagi DSTlari asosida alohida qism va detallarni ishlashda quyidagilar ko‘rsatilishi lozim:
- koordinatsion o‘klar va ular orasidagi masofalar;

- konstruktiv elementlarning koordinatsion o‘klarga bog‘lanishi;

- yig‘ma elementlar va konstruksiyalarning nomlari va markalari;

- alohida xususiyatga ega bo‘lgan sath balandliklari belgilari;

- alohida qismlarga izohlar;
Konstruktiv rejalar chizmalari ishchi loyihasi asosida konstruktiv elementlarni koordinatsion o‘klarga bog‘lash asosida izohlovchi yozuvlari bilan birgalikda bajariladi hamda chizma varog‘ida konstruktiv elementlar ro‘yxati (spetsifikatsiya) keltiriladi.
- poydevor rejasi – loyihalanayotgan binoning qavatlar rejasida ko‘rsatilgan devorlarning joylashuvi asosida amalga oshiriladi. Poydevor rejasini chizish uchun avval koordinatsion o‘klar o‘tkaziladi, so‘ngra o‘qlarga binoning sathlari va tanlab olingan poydevor konstruksiyasining o‘lchamlari bog‘lanadi. Poydevor rejasida alohida xususiyatga ega bo‘lgan o‘rinlardan ko‘ndalang qirqim beriladi.

- orayopma (tom yopma) rejasi - loyihalanayotgan binoda joylashgan devorlarning joylashuv rejasi bo‘yicha amalga oshiriladi. Orayopma (tom yopma) rejasida orayopma (tom yopma) plitalarining joylashish o‘rinlari, karniz va parapet plitalarining joylashish o‘rinlari markalari bilan ko‘rsatiladi.

- tom (qoplama) rejasi - unda binonig asosiy o‘lchamlarini ko‘rsatuvchi koordinatsion o‘qlar, issiqlik-cho‘kish choklarining, sath bo‘yicha balandliklar mavjud joylardagi o‘klar ko‘rsatiladi. Tom rejasida suv qabul qilish va ayirish –yo‘naltirish qurilmalari, tomda joylashgan mo‘ri yoki boshqa havo almashtirish qurilmalari, issiqlik-cho‘kish choklari hamda tomdan suvning oqishi sxematik tarzda ko‘rsatiladi.