O`zbekiston respublikasi oliy va o`rta maxsus ta’lim vazirligi jizzax Politexnika instituti Akademik litsey

O`QUV FANI (MODULI)NING NAZARIY VA AMALIY MASHG`ULOT TURLARI BO`YICHA MAVZULAR

ISHCHI O‘QUV DASTURINING MAZMUNI

O‘quv dasturida ko‘zlangan asosiy maqsad o‘quvchilarning umumiy o‘rta ta’lim maktablarida zoologiyadan o‘zlashtirgan bilimlarini kengaytirish va chuqurlashtirishdir. Shunga ko‘ra dastur asosida dars o‘tish jarayonida o‘quvchilarning zoologiyadan olgan bilimlar zahirasiga asoslanish talab etiladi. O‘quv dasturi bo‘yicha darslarni ko‘rgazma qurollar asosida o‘tish boy imkoniyatlarga ega. Bir tomondan, zoologiyaga oid tulumlar, tirik ob’ektlar, kolleksiyalar, ho‘l va quruq preparatlar, mikropreparatlar, mulyajlardan, ikkinchi tomondan jadvallar, rasmlar, videofilmlar, diapozitivlar, o‘quv filmlardan keng foydalanish kerak.

Ushbu dasturni barcha bo‘limlarida laboratoriya mashg‘ulotlarini yuqori ilmiy-metodik saviyada o‘tkazish, tabiatga ekskursiyalar tashkil etish, o‘quvchilarni tabiat va unda tarqalgan turlar, ro‘y beradigan hodisalar to‘g‘risida kuzatish, tajribalar olib borishi diqqat markazida bo‘lmog‘i lozim.

Biologik ob’yektlarni tanish, ularda sodir bo‘ladigan jarayonlarni tushunish va izohlash kompetentsiyasi.

Zoologiya fanining rivojlanish tarixi va hayvonot dunyosi haqida umumiy tushunchaga ega bo‘ladi. Hayvon hujayrasi, hujayralarning xilma-xilligi va tarkibiy qismlarini farqlay oladi. Hujayralarning o‘sishi va bo‘linishini izohlay oladi. To‘qimalarning tuzilishi va ularning vazifalarni anglaydi va yorita oladi.

Bir va ko‘p hujayrali hayvonlarning yashash sharoiti va turlari, ularning tashqi va ichki tuzilishi, ko‘payish usullarini, asosiy vakillarini farqlaydi.

Hayvonlar evolyutsiyasining asosiy dalillarini keltira oladi

Biologik ob’yektlarda boradigan jarayonlarni kuzatish, tajribalar o‘tkazish va xulosalash kompetentsiyasi.

Ho‘l preparat va tirik hayvon turlarini o‘rganib, tashqi va ichki tuzilishi ustida kuzatishlar olib bora oladi, kuzatishlar natijasini rasmini chiza oladi, kuzatganlari asosida xulosa chiqara oladi.

Sog‘lom turmush tarzi va ekologik kompetentsiya.

Hayvonlarning tabiatdagi va inson hayotidagi ahamiyatini, ularni muhofaza qilish choralarini biladi; tabiatdagi hayvonlarga nisbatan oqilona munosabatda bo‘ladi. Zaharli va parazit hayvonlar bilan ehtiyotkorona munosabatda bo‘lishni biladi.

Tabiatda o‘zini to‘g‘ri tutishning asosiy qoidalari va sog‘lom turmush tarzi asoslarini biladi, ko‘rkam va chiroyli umurtqasiz hayvonlarni estetik jihatdan baholay oladi.

Ta’lim muassasasi va mahallalarda tozalik borasida olib boriladigan ijtimoiy foydali tadbirlarda faol qatnashadi. Tabiatda inson faoliyatining oqibatlarini to‘g‘ri tahlil qila oladi. Tabiat bilan munosabatda o‘z hatti–harakatlarini ongli ravishda belgilay oladi.