O‘zbekiston respublikasi oliy va o‘rta maxsus ta’lim vazirligi islom karimov nomli toshkent davlat texnika universiteti qo‘qon filiali muhandislik texnologiyalri kafedrasi

Talabalar uchun eslatma
Institut talabalarining malakaviy amaliyoti o‘quv jarayonining asosiy qismi hisoblanib, iqtisodiyotning turli sohalariga tegishli korxona va tashkilotlarda o‘tkaziladi.
Malakaviy amaliyotning maqsadi talabalar olgan nazariy bilimlarini chuqurlashtirish, mustahkamlash va uni amaliy faoliyatga tadbiq etish, talabalarni o‘z kasbiga amaliy tayyorlash, kasbiy mahorat malakalari va ko‘nikmalarini tarkib toptirishdan iboratdir.
Talabalarning huquq va burchlari:
a) talabalarning huquqlari:

1. 
   Amaliyot davrida taklif va fikr-mulohazalari bilan institut o‘quv bo‘limiga, fakul’tet, kafedralar va amaliyot joyi rahbarlariga murojaat qilish.
   
2. 
   Talabalar amaliyot rahbarlardan maslahatlar, yo‘l-yo‘riqlar va yordam olish.
   
3. 
   Kafedralar va amaliyot ob’ektidagi moddiy-texnika bazasidan foydalanish.
   
4. 
   Talaba bitiruv oldi amaliyotning bir qismini bajarib, uzrli sabablar bilan amaliyotni nihoyasiga yetkazmasa, o‘quv mashg‘ulotlaridan ajralmagan holda malakaviy amaliyotni davom ettirish va nihoyasiga yetkazish huquqi beriladi.
   

b) talabaning vazifalari:

1. 
   Talaba bitiruv oldi amaliyoti davrida 6 soatlik ish kuni davomiyligida amaliyot o‘tkazilayotgan korxona, tashkilot, muassasada bo‘lishi;
   
2. 
   Amaliyotchi talaba bitiruv oldi amaliyoti dasturida ko‘rsatilgan ishlarni o‘z vaqtida bajarishi;
   
3. 
   Amaliyotchi talabalar korxona, tashkilot, muassasaning ichki tartib-qoidalariga va amaliyot rahbarlarining topshiriqlariga to‘liq rioya qilishlari, ularni bajarishlari;
   
4. 
   Talaba amaliyot davridagi faoliyatni va kuzatishlarni qayd etish uchun kundalik yuritishi;
   
5. 
   Bitiruv oldi amaliyotiga borib kelish, xavfsizlik texnikasi qoidalariga rioya qilishi;
   
6. 
   Amaliyotning oxirgi kunida talaba topshiradigan barcha hisobot xujjatlari tegishli tartibda rasmiylashtirilishi.