O'zbekiston respublikasi oliy va o'rta maxsus ta'lim vazirligi guliston davlat universiteti boshlang'ich va maktabgacha ta'lim metodikasi kafedrasi tabiatshunoslik va uni o’qitish metodikasi

Kundalik kuzatish daftari va tabiat hamda mehnat kalendari (taqvimi).
Birinchi sinfda kuzatishlar ikkinchi yarim yildan boshlab olib boriladi. Ob-havoning o’zgarishlarini kuzatish g’oyat muhimdir. Osmonning holatini kuzatish jarayonida “ochiq”, “bulutli”, “kam bulutli” tushunchalari; quyoshni kuzatishda –“sovuq”,”juda sovuq”, (“ayoz”), “iliq”, “issiq”; shamolni kuzatganda-“kuchli”, “kuchsiz” tushunchalari shakllanadi. Shu vaqtning o’zida bolalar yog’inning har xil turlari-yomg’ir, qor, do’l, tuman, qirov to’g’risidagi tassavvurlarni oladilar.
Bolalar asta-sekin ob-havoni kuzatish natijalarini kundaliklari va sinf tabiat kalendarida har kuni belgilab borishga o’rganadilar. Ob-havo va shamolning kuchi darslikda keltirilgan shartli belgilar bilan belgilanadi.
Ob-havoni kuzatishdan tashqari o’quvchilar o’simlik va hayvonlar hayotidagi mavsumiy hodisalarni payqashni o’rganib boradilar. Bolalar o’simliklardan faqat tabiatni bezab qolmasdan , balki odamlar va hayvonlar uchun zarur ekanligini bilib oladilar.ular oziq beradi, hayot uchun zararli gazlarni gaz va changlardan tozalaydi.
O’quvchilar bilimini tekshirishdagi umum metodik talablar. Darsga tayyorlana turib o’qituvchi o’quvchilar bilimini hisobga olishning mazmuni, metod va shakllarini yaxshi o’ylashi kerak. O’qituvchi payqagan bilimlardagi xatolar va kamchiliklar individual topshiriqlarni bajarishda bartaraf etilishi lozim. Hajman kata bo’lmagan nazorat ishlar o’quvchilarni ortiqcha band qilmasdan (orfografik xatolar tekshirish paytida tuzatib boriladi va ona tili darslarida ishlab chiqiladi). O’quv materialini o’zlashtirilishini tekshirishda bolalar bilimini faqat o’tgan dars topshiriqlari bo’yicha emas, balki butun mavzu materiali bo’yicha aniqlash lozim. O’qituvchi qo’ygan savollar ayrim tabiat ob’yektlari va hodisalari o’rtasidagi sababiy aloqalar hamda o’zaro bog’lanishlarni ochib bermog’I zarur.
Sinov savollari:
1.Bilimlarni tekshirishning o’zlashtirish yuqori bo’lishi uchun ahamiyati qanday?
2.Bilimlarni o’g’zaki tekshirishda qanday vazifalar hal etiladi?
3.Bilimlarni yozma tekshirishni qanday izohlaysiz?
4.Umumiy so’rash va individual so’rashning farqli tomonlarini tushuntiring
5.Bilimlarni tekshirishning qanday turlarini bilasiz?
6.1-sinfda o’quvchilarning uquv va ko’nikmalari qanday baholanadi?
7.2-sinfda o’quvchilarning uquv va ko’nikmalari qanday baholanadi?
8.3-sinfda o’quvchilarning uquv va ko’nikmalari qanday baholanadi?
9.4-sinfda o’quvchilarning uquv va ko’nikmalari qanday baholanadi?
10.O’quvchilar bilimini tekshirishda qanday umum metodik talablarga amal qilinadi?