O‘zbekiston respublikasi oliy va o‘rta maxsus ta’lim vazirligi guliston davlat universiteti

Motivatsiya (qiziqishni uyg'otish)ning mohiyati, o'quvchining o'quv-biluv faoliyatini rag'batlantirishdan iborat bo'ladi. Bu asos soluvchi qoidadir. Motivatsiya bosqichi o'quv mashg'ulotiga qiziqishni uyg'otish, bilim olishga rag'batlantirish, mashg'ulotlar paytida faol ijodiy fikrlashga da'vat etishdir.
Ma'lumki, o'quv jarayoni uchta bir- biri bilan bog'liq o'qitishning tarkibiy qismlaridan tashkil topgan:

1. 
   Motivlar (M);
   
2. 
   O'quvchining o'qish faoliyati (O'F);
   
3. 
   O'qituvchining boshqaruvchilik faoliyati (BF).
   

Shunday qilib, o'quv jarayonini quyidagi formula tarzida ifodalash mumkin. O’J=M+O’F+BF:
Mana shu formula asosida maqsad oydinlashtiriladi, texnologiyalar belgilanadi, faoliyat yo'lga qo'yiladi va amalga oshiriladi. Buni oldindan rejalashtirish yoki o'quv jarayonini loyihalashtirish deb ataydilar. Pedagogik texnologiyaning bu qismi amalda qo'llanilganda ta'limning tabiatga uyg'unlik qoidasiga asoslansa, ya'ni o'quvchining tabiiy xususiyatlari - qiziqishi, istak- xohishi ehtiyoji, qobiliyati, aqliy kuchlari hisobga olinsa maqsadga muvofiq bo'ladi.O'quv mashg'ulotlarini loyihalashtirishda mazkur holat hisobga olinishi darkor.

3. Mustaqil ishlarni tashkil etishda motivatsiyaning ahamiyati

Ma'lumki, o'qitishning asosiy shakllari – ma'ruza, seminar, amaliy mashg'ulotlar, maslahat darsi auditoriyada o'tkaziladi. Ularni tashkil etish mavzular murakkabligi darajasiga, beriladigan axborot miqdoriga ko'ra avvaldan rejalashtiriladi, o'quv soatlari ajratiladi. Ishlab chiqarish amaliyoti auditoriyadan tashqarida o'tkazilsa-da, unga ham avvaldan soatlar belgilanadi.
Bilim olish, maxsus malakaga ega bo'lish o'quvchilar dunyoqarashini shakllantirishda auditoriyada o'tiladigan darslardan tashqari ular tomonidan bajariladigan mustaqil ishlar ham katta rol o'ynaydi.
Mustaqil ish faoliyatida bilimlarni egallash bilan birga, ko'nikmalarni shakllantirish ham mustaqil amalga oshiriladi.
Borgan sari ortib boradigan mustaqil tayyorlanish vaqtini samarali bo'lishini ta'minlashda ikki narsaga e'tibor qaratish kerak:

1. 
   mustaqil ish - o'qishning, aqliy mehnatning alohida turi.
   
2. 
   axborotning asosiy qismini o'quvchi mustaqil ravishda oladi. Ayniqsa, internetning kirib kelishi bilan uning doirasi yanada kengaydi.
   

Ta'lim berishning an'anaviy usullari orqali o'quvchilarni mustaqil fikrlash, faollikka o'rgatish qiyin. An'anaviy ta'limda tushuntirish, so'rash, mustahkamlash, baholash tartibiga amal qilinadi.
Bugungi kunda quyidagilar an'anaviy ta'limning kamchiliklari sifatida e'tirof etilmoqda:
ü ta'lim jarayonida o'qituvchining ko'proq faollik ko'rsati-shi, faqat tushuntirish, buyruq berish, o'z so'zini o'tkazishga hara-kat qilishi;
ü ta'lim jarayonida o'quvchilarga asosan nazariy bilim (ma'-lumotlar) berilishi;
ü ta'limda majburiylik, nasihatgo'ylik, qattiqqo'llik, avto-ritarizm tamoyillariga amal qilish;
ü o'quvchilarning faollik ko'rsatmasligi, faqat o'qituvchining ma'ruzasini tinglashi va topshiriqlarni bajarishi, ularning mustaqil fikr yuritishga, tashabbuskorlikka o'rgatilmasligi;
ü ta'limning o'rtacha darajada bilim oluvchi o'quvchilar uchun mo'ljallanganligi.
O'quvchi mustaqil ishlash ko'nikmasini egallamasa, zamon talabi darajasidagi mutaxassis bo'lib yetisha olmaydi, chunki o'quvchining o'qish yillari davomida olgan bilimlarining ko'p qismi u faoliyat boshlagunga qadar eskiradi, ko'pgina bilimlar esa unutiladi. Bilimning eskirishi tez, axborot oqimi nihoyatda katta bo'lgan hozirgi davrda mustaqil o'qishga, o'z ustida tinmay ishlash, izlanishga o'rganish har bir mutaxassis uchun nihoyatda zarur.
Kadrlar tayyorlash milliy dasturi «Ta'lim to'g'risida» qonun qabul qilishdan maqsad, raqobat bardosh mutaxassis va talabga javob beradigan, yuksak darajadagi kasbiy mahoratga ega bo'lgan mutaxassis tayyorlashdir. Bu maqsadni amalga oshirishda talabalarni o'quv-tarbiyaviy, ilmiy faoliyati, mustaqil ishlash vaqt byudjeti, tadqiqot ob'yekti alohida ahamiyatga ega.
Ta'limning reyting tizimi, ayniqsa, o'qish jarayoniga kirib kelayotgan yangiliklar, axborot hajmining kattaligi o'quvchilardan mustaqil ishlash va vaqtdan to'g'ri foydalanishni, uni tejash zaruriyatini keltirib chiqaradi.
Bilim olish, maxsus malakaga ega bo'lish, o'quvchilarni dunyo-qarashini shakllantirishda auditoriyada o'tiladigan darslardan tashqari o'quvchilar tomonidan bajariladigan mustaqil ishlar ham katta rol o'ynaydi. Demak, o'quvchilarning o'z ustilarida mustaqil ishlashlarini tashkil etish muhim ahamiyatga ega.
O'quvchilarning mustaqil ishini tashkil etishning asosiy va birinchi tamoyili uning sistematik tarzda, ya'ni doimiy, uzluksiz ravishda amalga oshirishdir. Ma'lumki, o'quv jarayonini tashkil etishda qat'iy ketma-ketlik, uzviylikni muntazam olib borish talab qilinadi. O'quvchi auditoriyada olgan bilimini mustahkamlash, shu bilan birga navbatdagi yangi mavzuni puxta o'zlashtirish uchun har kuni mustaqil ravishda tayyorgarlik ko'rishi kerak.
Bugungi o'tiladigan mavzuni yaxshi tushunishi va o'zlashtirishi uchun o'tilganlarni o'z qobiliyati va olgan bilimi darajasini yanada chuqurlashtirishga
intilishi, mustaqil takrorlashi, o'rganishi zarur. Chunki ma'ruzada o'quvchiga yo'llanma beriladi. Dars davomida mavzuga tegishli barcha asosiy savollarni muhokama qilib bo'lmaydi. Uning iloji yo'q, ma'ruzada o'tilgan, muhokama qilingan masalalarni psixologlarning tadqiqoti natijalariga ko'ra, atigi 5 foizi o'quvchilar yodida qolar ekan. O'zi o'qib o'rgangani, o'rganganlarini boshqalarga o'rgatishi esa bir necha baravar ko'p yodida qolar ekan. Shundan kelib chiqib, aytish mumkinki, o'quvchining o'zini mustaqil tayyorlanib o'qishi fanni o'rganishda, uni asosiy mazmunini tushunish va o'zlashtirishida, tahlil qilishi, o'z fikrini ifodalashida muhim rol o'ynaydi.
O'quvchining mustaqil ishidan maqsad o'qituvchining rahbarligi va nazorati asosida muayyan o'quv ishlarini mustaqil ravishda bajarish uchun zarur bo'lgan bilim va ko'nikmalarni shakllantirish va rivojlantirishdir.
O'quvchining mustaqil ishi vazifalari quyidagilardan iborat bo'ladi:

• 
  yangi bilimlarni mustaqil tarzda puxta o'zlashtirish ko'-nikmalariga ega bo'lish;
  
• 
  kerakli ma'lumotlarni izlab topish, ularning qulay usullari va vositalarini aniqlash;
  
• 
  axborot manbalaridan samarali foydalanish;
  
• 
  an'anaviy o'quv va ilmiy adabiyotlar, me'yoriy hujjatlar bilan ishlash;
  
• 
  elektron o'quv adabiyotlar va ma'lumotlar banki bilan ishlash;
  
• 
  internet tarmog'idan samarali foydalanish;
  
• 
  berilgan topshiriqni muntazam va me'yorida bajarish;
  
• 
  ma'lumotlar bazasini tahlil etish;
  
• 
  topshiriqlarni bajarishga tizimli va ijodiy yondashish;
  
• 
  natijalarni muhokamaga tayyorlash va ko'rsatilgan kamchiliklarni qayta ishlash.
  
• 
  ishlab chiqilgan yechim, loyiha yoki g'oyani asoslash, mutaxassislar jamoasida himoya qilish va boshqalar.
  

O'quvchilarning mustaqil ishini tashkil qilish shakllari turlicha bo'lib, ularni
bir qismi o'quv rejasida ko'zda tutilgan. Uni har bir o'quvchi bajarishi shart. Ikkinchi qismi ixtiyoriy, ya'ni o'quvchilar o'z xohishi bilan mustaqil bajarishlari mumkin.
Mustaqil ishni tashkil etishning muhim xususiyati, uni o'quvchining o'zi tashkil qiladi. Shuning uchun uni rejalashtirish, vaqtini rasional taqsimlashda o'quvchiga yordam lozim.
Mustaqil ishni bajarish uchun o'quvchi o'zini-o'zi majbur qilishi kerak. Bunda ham sub'yektiv omil asosiy o'rinda turadi. O'quvchilarni mustaqil ishini tashkil etishda o'qishni boshqa shakllariga o'xshab, umumiy prinsiplar mavjud. Mustaqil ishni shu prinsiplar asosida tashkil qilish kerak. Mustaqil ishni tashkil etishda oddiy elementar prinsiplarni o'zlashtirish birinchi darajali ahamiyatga ega va ana shu murakkab jarayonni to'laligicha qamrab oladi.
Har bir o'quvchi mustaqil ishni tashkil etishni nimadan boshlashi kerak? Unga qanday maqsad qo'yiladi? Ish qancha davom etadi? Uni bajarishda qanday usullardan foydalanilishini aniq ko'z oldiga keltira olishlari kerak. Yana shuni yoddan chiqarmaslik kerakki, mustaqil ishlarni tashkil qilish qoidalari ishlab chiqildi degani, bu ishni tashkil etildi degani emas. Mustaqil ishni qanday bajarishni har bir o'quvchining o'zi tashkil etadi. Muvafaqqiyatga erishish uchun o'quvchining o'zi sabr-toqat bilan, mashaqqatlardan qo'rqmay o'z ustida ishlashi kerak.
Mustaqil ishlash quyidagi guruhlarga bo'linadi:

1. 
   Dars o'tilgandan so'ng bajariladigan ishlar, uy vazifalarini bajarishda darslik, o'quv qo'llanmalari bilan ishlash, konspekt tayyorlash.
   

Tipik topshiriqlarni yechish. Bunda o'quvchi avvalgi bilimlarini xotirasida qayta tiklaydi va qisman qayta o'zgartirib, aniq topshiriqlarda qo'llaydi. Masalan: masala, mashq yechish;

2. 
   O'rganilgan bilimlarni tipik bo'lmagan sharoitda qo'llash. O'quvchi o'rgangan bilimlaridan yangi sharoitda foydalanadi. Sharoitlarda ma'lum umumiylik bo'lishi mumkin.
   
3. 
   Ijodiy faoliyatga asos yaratish. Bunda o'quvchi o'rganilayotgan sohaning mohiyatiga tushunadi, uning yangi munosabat, bog'lanishlarini aniqlaydi, g'oyalar va tushunchalarni yangi sharoitga bog'laydi.
   

Barcha mustaqil ishlar o'quvchilarda ijodiy ishlash ko'nikmasini hosil qilishga qaratilgan. O'quvchi ijodiy ishlashga o'rgatilmasa, u ma'lum mavzuga oid materiallarni turli manbalardan ko'chirib kelish bilan kifoyalanib qolishi hamda o'zi mustaqil fikr bildirishga qiynalishi mumkin.
Mustaqil ishlarning ajralmas qismi bu mustaqil tahsildir. O'quvchilarning mustaqil tahsili ularni o'z bilimlarini kengaytirish, chuqurlashtirish, mavjud malaka va ko'nikmalarni takomillashtirish hamda ularning yangilarini o'zlashtirishga bo'lgan intilishidir.
Mustaqil tahsilning asosiy maqsadi o'quvchilarni shaxsiy va kasbiy sifatlarini shakllantirishda o'z ustida ishlash ustunligidir. Mustaqil tahsilning asosiy metodi adabiyotlar ustida individual ishlashdir. Bu metod axborotlar oqimida eng zarur axborotni topish, unga baho berish, ushbu axborotdan o'zining kasbiy faoliyatida foydalanish malakasini shakllantiradi.

Xulosa va takliflar.

Geografiya ta'limi yosh avlodga tabiiy muhit va uni muxofaza qilish hamda undan oqilona foydalanish, siyosiy ijtimoiy-iqtisodiy fanlar orasidagi fan bo'lgani uchun tabiat va jamiyat haqida bir butun, yaxlit bilimlarni beradigan yagona fandir. Geografiya ta'limi har tomonlama yetuk va komil insonni tayyorlashda muhim o'rin tutadi. Shu bilan birgalikda Olam sirlarini o'rganadigan fundamental fan hisoblanadi.

O'qitish tarixiga nazar tashlasak, o'tmishda o'qitishning bir necha didaktik tizimlari ishlab chiqilgan va amaliyotga tadbiq etilgan. (Ya.A. Kamenskiy 1592-1670, I.F.Gerbart 1776-1841, J.D'yui 1859-1952) Bu tizimlar o'z davrlarida, o'sha davr jamiyati uchun xizmat qilgan va ozmi- ko'pmi o'z samarasini bergan. Masalan: XYII-XIX- asrlarda bilim o'quvchilarga bir umrga berilgan, ya'ni o'quvchini maktabda olgan bilimlari unga umr bo'yi asqotgan. O'quvchilarni ta'lim olish jarayonida o'qitiladigan fanlar va foydalanadigan adabiyotlari ham uncha ko'p bo'lmagan. Jamiyatning rivojlanib borishi, ijtimoiy faoliyat turlarini kengayishi bilan talablar ortib borgan sari, yangidan - yangi didaktik tizimlar ishlab chiqildi va o'qitishda joriy etib borildi.
Keyinchalik fan-texnikaning rivojlanishi va bugungi kunga kelib yuksak axborot kommunikasion texnologiyalarni yaratilishi natijasida globallashuv jarayoni vujudga keldi va bugunga kelib o'quvchilar bir umrga yetadigan bilimlarini bir marta emas, balki bugun va ertaga darkor buladigan bilimlarni har kuni va xar vaqtda olib borishga to'g'ri kelmokda,
Chunki bugungi fan-texnika va axborot kommunikasion texnologiyalari izchil rivojlanib borayotgan bir paytda "bugungi olingan bilimni-ertaga yana takomillashtirib borish"ni talab qilmoqda. Bunday katta ko'lamdagi axborotlarni o'zlashtirish. taxlil qilish, o'rganish va ulardan amalda unumli
foydalanish uchun o'quvchi keng ilmiy dunyoqarash va yuqori intellektual qobiliyatga ega bo'lishi kerak.
O'zbekiston Respublikasi Prezidenti “Tarixiy xotirasiz – kelajak yo'q” asarida komil inson tushunchasiga aniq ta'rif berdilar. “Komil inson deganda biz, eng avvalo, ongi yuksak, mustaqil fikrlay oladigan, o'z xulq – atvori bilan o'zgalarga ibrat bo'la oladigan, o'zining bilimi, ma'rifati bilan yaksalgan kishilarni tushunamiz”. Ta’lim tizimi va maktab oldiga komil insonni tarbiyalab voyaga yetkazish maqsad qilib qo'yildi.
Men bitiruv malakaviy ishimni yozish davomida ta’limda, ayniqsa geografiya ta’limida motivatsiya qanchalik darajada muhimligini anglab yetdim. M.Mahmudov, A.M. Matyushenko, I.YA. Lerner “Zamonaviy dars – bu muammoli ta’limdir” deb ta'rif berganlar. Muammoli ta’limni tashkil etishda usullarni tanlash g'oyat muhimdir.
Bitiruv malakaviy ishimni yozish davomida, pedagogik amaliyotda qo'llagan usullarim asosida quyidagi xulosa va takliflarga keldim:
O'zbekiston Respublikasining mustaqillikka erishuvi, bozor iqtisodiyotiga asta – sekin, bosqichma – bosqich o'tishimiz, ko'p tarmoqli mulk shakllarining paydo bo'lishi, jamiyatimizda ro'y berayotgan ijtimoiy – siyosiy o'zgarishlar va fan – texnikaning jadallik bilan rivojlanishi ta’lim mazmuniga, maktab hayotiga qolaversa, dars mohiyati va mazmunining takomillashuviga ob'yektiv omil vazifasini bajaradi.
Respublikamizda ta’lim sohasida chuqur islohotlarning o'tkazilayotganligi, xorijdagi ta’lim tizimidagi ijobiy o'zgarishlar, jahon ta’lim standartlariga yaqinlashishga intilish, darslik va o'quv dasturlari yangi avlodning yaratilishi darsni ixcham va qiziqarliroq shaklda tashkil etishimiz uchun zamin bo'ladi.
Geografiya darslarida motivatsiya bosqichining markazida, o'quvchi shaxsining mustaqil tafakkurlay olishga o'rgatish masalasi turadi. Bular
o'quvchilarning darsga bo'lgan munosabati va ilmiy bilim olishga bo'lgan havasini oshiruvchi muhim turtki bo'ladi, desak xato bo'lmaydi.
Motivatsiya bosqichini qo'llashning muhim tarbiyaviy ahamiyati shundaki, o'quvchida yashirinib turgan qobiliyat va iste'dodlarini ro'yobga chiqaradi hamda ularga o'z imkoniyalariga bo'lgan ishonch bilan yondashishni tarbiyalaydi. O'quvchiga har bir fandan o'rganiladigan ilmiy tushuncha va qonuniyatlarni shunchaki o'rganib qolmasdan, balki uni keltirib chiqaruvchi sabablarini ham aniqlashtirishga yordam beradi.
O'quvchida ilmiy dunyoqarashini shakllanuvida, o'zligini tanishtirishda, murakkab vaziyatlarda o'zini erkin tutib mustaqil ravishda to'g'ri yo'l tanlay bilishida motivatsiya bosqichining ahamiyati katta ekanligiga yana bir bor ishonch hosil qildim. Men ham ushbu ishimni kelgusida davom ettirib, ularni to'ldirib va yangilarini o'ylab topaman.
Geografiya darslarida motivatsiya bosqichidan foydalanilsa o'quvchi yoshlarning, o'quvchilarning potensial imkoniyatlarini harakatga keltirgan bo'lamiz. Ular o'zlarining intelektual salohiyatlariga, qobiliyatlariga ishonib boradilar. Erishgan yutuqlaridan xursand bo'lishlari evaziga ulardan ichki potensial harakat yuzaga keladi.
Natijada bilim egallashning yopiq mexanizmini ishga tushushiga sababchi bo'lamiz.
Men xulosa qilib aytmoqchimanki ushbu bitiruv malakaviy ishimni yozish jarayonida ko'p ma'lumotlarga ega bo'ldim va ushbu ishimni kelajakda ham davom ettirmoqchiman. Bu bitiruv malakaviy ishimni yozishimga menga yordamlashgan, kafedramiz ijodkor o'qituvchilaridan ko'plab maslahatlar oldim va menga yaqindan yordam berib, o'zlarining beminnat xizmatlarini ayamagan ilmiy rahbarim M. K. Ergashevaga, dotsent X.R. Toshov va kafedramiz barcha o'qituvchilariga minnatdorchilik bildiraman, ularning ishlariga omad, sog'liq – salomatlik tilab qolaman.