O‘zbekiston respublikasi oliy va o‘rta maxsus ta’lim vazirligi guliston davlat universiteti

2.2. Amaliyotni tashkil qilish va unga rahbarlik
Talabalarning malakaviy amaliyoti universitetning davlat va aksiyadorlik jamiyatlari, muassasa, tashkilot, firma, qo‘shma korxonalar va boshqalar bilan tuzilgan shartnomalari asosida tashkil qilinadi.
SHartnomalar asosida talabalar amaliyot o‘tish uchun tegishli obektlarga yuboriladilar.
Amaliyotni tashkil qilish va o‘tkazish uchun javobgarlik fakultet dekani, kafedra mudiri zimmasiga yuklanadi hamda O‘quv ishlari bo‘yicha prorektor tomonidan nazorat qilinadi.
Amaliyot ob’ektlari ayrim talabalar yoki talabalarning katta guruhlarini amaliyot o‘tishini hisobga olib tanlanadi.
Ikki tomonlama bitimlar asosida talabalar amaliyotni xorijiy davlatlar xo‘jalik sub’ektlari, muassasalari va tashkilotlarida ham o‘tishlari mumkin.
Mutaxassislik kafedrasi mudiri har yili 1 dekabrdan kechikmagan holda navbatdagi kalendar yili uchun amaliyot ob’ektlari bilan shartnomalar tuzadi. Amaliyot boshlanishidan ikki oy oldin talabalar amaliyotini o‘tkazish dasturi va kalendar jadvalini amaliyot ob’ektlari bilan kelishib oladi. Amaliyot rahbarlari kafedraning tajribali professor, dotsent va o‘qituvchilaridan tayinlanadi. Fan, texnika va madaniyatning eng yangi yutuqlari, ishlab chiqarish iqtisodiyoti, uni ilmiy tashkil etish, boshqarish va shunga o‘xshash masalalar bo‘yicha amaliyot ob’ektlari ma’muriyati bilan birgalikda mutaxassislarning ma’ruzalari tashkil etiladi. Talabalar amaliyotini tashkil etish tartibi va o‘tkazilishi hamda amaliyot muddati va mazmuniga talabalarni rioya qilishlari nazoratga olinadi.
Talabalar amaliyotining umumiy rahbarligi amaliyot ob’ekti rahbarining buyrug‘i bilan korxona yoki muassasaning mas’ul xodimlaridan biriga yuklatiladi.
Sex, bo‘lim, laboratoriya kabilarda esa talabalar amaliyotining bevosita rahbarligi amaliyot ob’ekti boshlig‘ining buyrug‘i bilan ko‘rsatilgan tarkibiy bo‘limning yuqori malakali mutaxassisi zimmasiga yuklanadi.
SHartnoma majburiyatlariga muvofiq amaliyot ob’ektlari rahbariyati:
- talabalar amaliyotini amaliyot dasturi va Nizomga muvofiq tashkil qiladi va o‘tkazadi;
- dasturga muvofiq talabalar amaliyotining samaradorligini ta’minlash maqsadida ularni ish joylari bilan ta’minlaydi;
- talabalar ta’lim yunalishi buyicha bo‘sh ish joylari mavjud bo‘lgan holda amaliyotchilarni tegishli ish xaqi bilan lavozimlarga qabul qiladi;
- amaliyotni o‘tishda universitet bilan kelishilgan oy-kunlik ish jadvaliga amal qiladi;
- talabalarga mavjud adabiyotlar, texnik va boshqa hujjatlardan foydalanish imkoniyatlarini yaratadi;
-kurs ishi va malakaviy bitiruv ishlari uchun mavzular tanlashda yordam ko‘rsatadi;
-hayot faoliyati xavfsizligi buyicha majburiy ko‘rsatmalar beradi, zarur bo‘lgan hollarda talabalarni mehnatning xavfsiz usullariga o‘rgatadi va bu haqida hujjatlar rasmiylashtiriladi;
-amaliyotchi talabalarning mazkur amaliyot ob’ektida joriy qilingan ichki mehnat tartib qoidalariga rioya qilishlarini ta’minlaydi va nazorat qiladi;
-yaqin atrofda joylashgan boshqa xo‘jalik sub’ektlari, muassasa, tashkilotlarga birgalikda borishni tashkil qiladi;
-talabalarning amaliyot o‘tish vaqtida mazkur amaliyot ob’ektining tegishli ishchilari uchun joriy qilingan shaxsiy himoya vositalari va maxsus ovqat, poyafzal, himoya kiyimlari bilan ta’minlaydi;
-zarur hollarda shartnoma aosida talabalarni yashashi uchun qulay sharoitli yotoqxonalar bilan ta’minlaydi.
-zarur bo‘lgan hollarda, ichki mehnat intizomini buzgan amaliyotchi talabalarga amaliyot ob’ekti rahbarining buyrug‘i bilan jazo choralari ko‘radi va bu haqda universitet rektoriga xabar qiladi;
-amaliyot o‘tayotgan talabalar baxtsiz xodisaga uchragan holda to‘la javobgarlikni oladi.