Oʼzbekiston respublikаsi oliy vа oʼrtа mаxsus tа’lim vаzirligi fаrgʼonа politexnikа instituti

Taqrizchi ____________ Mirzaxonov. Yu
AMALIY MASHG‘ULOT №1.


Mаvzu: Materiallarning mexanik xossalarini aniqlash.
(4 soat)
Иш мавзуси бўйича асосий маълумотлар.
Металл ва қотишмаларлардан тайёрланган деталларнинг ишлатилишига караб турлича талаблар қўйилади.
Металларнинг хоссалари куйидаги турлардан иборат:
1. Физик хоссалар.
2. Кимёвий хоссалар.
3. Механик хоссалар.
4. Технологик хоссалар.
Физик хоссалари.  Металларнинг физик хоссаларига унинг ранги, зичлиги, суюқланиш температураси, иссиқлик ўтказувчанлиги, иссиқдан кенгаювчанлиги, иссиқлик сиғими, электр ўтказувчанлиги, магнит хоссалари ва бошқалар киради.
Металл ранги деб, маълум тўлқин узунлигидаги ёруғлик нурини қайтариш хусусиятига айтилади. Масалан, мис пушти-қизил рангли, алюминий эса кумушсимон оқ рангли бўлади.
Металлнинг зичлиги ҳажм бирлигида жойлашган масса билан характерланади. Зичлигига кўра барча металлар енгил (4500 кг/м³ дан кам) ва оғир хилларга бўлинади. Турли буюмлар яратишда металл зичлиги муҳим рол ўйнайди. Масалан, самолёт ва ракетасозликда жуда енгил металл ва қотишмалардан (алуминийли, магнийли, титанли) фойдаланишга ҳаракат қилинади. Бу буюм массасини камайтириш имкониятини беради.
Суюқланиш температураси деб, металл қаттиқ ҳолатдан суюқ ҳолатга ўтадиган температурага айтилади. Суюқланиш температурасига қараб қийин суюқланадиган (волфрам 3416⁰ С, титан 1725⁰С ва бошқалар) ва осон суюқланадиган (қалай 232⁰С, қурғошин 372⁰С, рух 419⁰С, алуминий 660⁰ С) металлар бўлади. Қуйма буюмлар, пайвандланадиган ва кавшарланадиган бирикмалар термоелекетрик приборлар ва бошқа буюмлар тайёрлаш учун металл танлашда суюқланиш температураси катта аҳамиятга эга. СИ бирликлар системасида суюқланиш температураси Келвин (К) градусида ифодаланади.
Металлнинг иссиқлик ўтказувчанлиги деб, унинг кўп қизиган участкасидан кам қизиган қисмига иссиқлик ўтказиш, хусусиятига айтилади. Кумуш, мис, алюмин кўп иссиқлик ўтказувчанлиги алуминийга нисбатан беш марта кичикдир. Деталлар учун материаллар танлашда иссиқлик ўтказувчанлик катта аҳамиятга эга. Масалан, металл иссиқликни ёмон ўтказса, у қиздирилганда ёки тез совитилганда (термик ишлов беришда, пайвандлашда) унда дарзлар пайдо бўлади. Машиналарнинг айрим деталлари (двигателларнинг поршенлари, турбиналарининг куракчалари) иссиқликни яхши ўтказадиган материаллардан тайёрланиши керак. СИ бирликлар системасида иссиқлик ўтказувчанлик Вт (м·К) билан ўлчанади.