O‘zbekiston respublikasi oliy va o’rta maxsus ta’lim vazirligi farg’ona davlat

4. Ekologik muammolar. Atrof muhitning ifloslanishi tabiat uchun ham, jamiyat uchun ham eng zararli hodisadir. Havo, tuproq, suv, o’simliklar va hayvonot olamiga e’tiborsiz munosabatda bo’lish bu muammoning kelib chiqishiga va keskinlashib ketishiga sabab bo’ladi. Fan-texnika taraqqiyoti va uning yutuqlaridan samarasiz foydalanish singari sub’ektiv sabablar ham ekologik muammolarning kelib chiqishi va keskinlashishiga olib keladi.
Hozirgi kunda ekologik muammolardan batamom xoli bo’lgan biron-bir mamlakat yo’q. SHunga ko’ra bu muammo ham umumbashariy muammolardan biri hisoblanadi.
5. Kasalliklar muammosi. Har qanday kasallik ham umumbashariy muammo hisoblanmaydi. Kasalliklarning umumbashariy mohiyat kasb etishi, avvalo, ulirni davolash imkoniyatlarining murakkabliklaridan kelib chiqadi. Dunyoda shunday kasalliklar ro’y beradiki, ulardan qutilish uchun ko’pchilik davlatlar birgalikda kurash olib borishga majburdirlar. Bu kurash davlatlarning sog’liqni saqlash sohasidagi siyosatida yetakchi o’rinni egallashi lozim. Hozirgi kunda rak va SPID kasalliklariga qarshi kurash ana shunday umumbashariy muammolardan hisoblanadi.
6. Ocharchilik muammosi. Yer yuzida insoniyat paydo bo’lganidan buyon ocharchilik eng murakkab muammolardan biri bo’lib kelgan. Ayrim mamlakatlar va mintaqalarda bu muammoni hal etish uchun bir necha yuz yillar talab etilsada, mazkur muammodan insoniyat hamon qutilgani yo’q. Hozirgi kunda dunyoning kam taraqqiy etgan ayrim mamlakatlarida ocharchilik va qashshoqlikdan ko’plab kishilar nobud bo’lmoqda. Bu hol shubhasiz, jahondagi ko’pchilik davlatlarni ocharchilik muammosini hal etishga undamoqda.
7. Giyohvandlik muammosi. Insoniyat tarixining turli davrlarda ayrim xalqlar va mamlakatlarning turli guruhlari orasida uchrab turadigan giyohvandlik hodisasi XX asrning so’nggi yillariga kelib dunyoning ko’pchilik mamlakatlariga keng tarqaldi. Uning dahshatli oqibatlari jamiyat uchun juda qimmatga tushmoqda. Undan, ayniqsa, aholining yosh qatlamlari ko’proq zarar ko’rmoqda.
Keyingi yillarda davlatlar o’rtasidagi savdo-iqtisodiy aloqalarning hamda tijorat ishlarining kengayishi giyohvandlikning jahon muammosiga aylanib ketishiga olib keldi. Natijada davlatlar o’zlarining ichki va tashqi siyosatida bu muammoga qarshi birgalikda kurish olib borishga majbur bo’lmoqda.