O‘zbekiston respublikasi oliy va o’rta maxsus ta’lim vazirligi farg’ona davlat

Diplomatiya - (frantsuzcha) - davlatning tashqi siyosatini amalga oshirish usullaridan biri. Diplomatik davlat rahbarlari, hukumatlar, davlat tashqi ishlar organlari va bevosita diplomatlarning tashqi siyosat maqsad va vazifalarini amalga oshirishga hamda o’z davlatining va xorijdagi ayrim fuqarolarning manfaatlarini himoya qilishga yordam beruvchi rasmiy faoliyati shaklida olib boriladi. Demak, diplomatiya tashqi siyosatda davlat hokimiyati faoliyatining maqsad-yo’nalishi bo’lib, diplomatiyani tashqi siyosat orqali amalga oshirish vosita sidir.
Tashqi siyosat munosabatlari 2 ko’rinishda bo’ladi:

1. 
   Davlatlar ichki ko’rinishida (Tashqi ishlar vazirligi amalga oshiradi).
   
2. 
   Tashqi ko’rinishda (Tashqi siyosatni amalga oshirish vositasi diplomatiyadir).
   

Diplomatiyada diplomatik vakolatxonalarning 2 shakli bo’lib, ular:

1. 
   doimiy diplomatik vakolatxonalar (elchilar, maxsus vakolatxonalar – missiya ko’rinishida bo’ladi);
   
2. 
   muvaqqat vakolatxonalardir.
   

O’zbekistonning mustaqil rivojlanishidagi o’tgan o’n ikki yili davomida diplomatiya sohasida ham anchagina ishlar amalga oshirildi. Dunyodagi 120 dan ko’proq mamlakat bilan rasmiy diplomatik munosabatlar o’rnatildi. Toshkentda 43 mamlakat o’z elchixonasini ochdi. Endilikda O’zbekiston eng obro’li va nufuzli xalqaro tashkilotlarning teng huquqli a’zosidir. SHuning bilan birga barcha qit’alardagi o’nlab mamlakatlar bilan do’stona aloqalarni rivojlantirmoqda. Eng yirik bank va moliya organlari, nodavlat va nohukumat tashkilotlari bilan yaqindan hamkorlik qilmoqda. Respublikada 88 ta chet davlat vakolatxonalari ro’yxatdan o’tgan, 24 ta hukumatlararo tashkilot va 13 ta nohukumat tashkiloti ishlab turibdi. Dunyodagi 30 dan ortiq davlatda O’zbekistoning elchixonalari va konsullari ishlab turibdi³¹. O’zbekiston 30 ta nufuzli xalqaro iqtisodiy va moliya tashkilotlarining teng huquqli a’zosi. Jahonning 140 mamlakati bilan savdo-iqtisodiy munosabatlar o’rnatilgan. O’tgan yillar ichida O’zbekiston ko’plab juda muhim xalqaro konventsiyalarga qo’shildi.