O’zbekistоn respublikasi оliy va o’rta maxsus ta`lim vazirligi farg’ona politexnika instituti

Nazorat uchun savоllar:

1. Gavda tuzilishi va konstruksiya to‘g‘risida tushuncha bering

2. V.V. Bunak bo’yicha kattalar tana tuzilishining turlari ni ayting
3. Ayollar qomatining tasniflanishi qanday bajariladi
4. L.B. Galant bo’yicha kattalar tana tuzilishining turlari
5. V.G. Shtefko bo’yicha o'smirlar tana tuzilishining turlari


9.MAVZU


Odam tanasi o’lchamlari tadqiq qilish usullari. Antropometrik tadqiqotlar uslubiyati


REJA


1.Antropometriya haqida tushuncha
2 Antropometrik tadqiqot uslublari
3. Antropometrik o'qlar, tekisliklar, chiziqlar
4. Antropometrik nuqtalar
5.Odamning gavda o'lchamlari va shakliga xosbelgilar
Tayanch so`z va ibоralar:
Antropometrik o'qlar, tekisliklar, chiziqlar, Antropometrik nuqtalar, Odamning gavda o'lchamlari va shakliga xos belgilar, Antropometrik asboblar,Yoshiga qarab o'lcham belgilarini o'zgartirish,


1.Antropometriya haqida tushuncha

Asosiy morfologik belgilarning shakli, jins va yoshga qarab o'zgarishi faqat ba'zi o'lchamlardagina emas, balki mutanosiblik va gavda tuzilishi turlarida ham namoyon bo'ladi.

Odam tanasi va uning alohida qismlarini o'lchashdan iborat bo'l-gan tekshirishlarning asosiy usullaridan biri antropometriya deyiladi.
Odam gavdasi o'lchamlarini tekshirish natijalaridan o'tgan asrning oxirlariga kelib foydalanila boshlandi. Hozirgi vaqtda antropometriya ma'lumotlaridan sport va tibbiyotda, gavdaning jismoniy rivojlanishida konstitutsiya mutanosibligi va h.k laming xususiyatlarini o'rganishda foydalaniladi. Odam gavdasining shakli va o'lchamlari haqidagi ma'lumotlar yengil sanoatning turli tarmoqlarida muhim ahamiyatga ega.
Amaliy antropologiyani bilmay turib yengil sanoat tarmoqlari, jumladan, tikuvchilik masalalarini yechish mumkin emas. Odam gavdasining shakli va o'lchamlari, aholining turli guruhlari va ular haqidagi to'liq ma'lumot va bilimlar bo'lgandagina, ularning shakli va o'lchamlariga mos kiyimni ko'plab ishlab chiqarish mumkin.
Ma'lumotlar antropometrik tekshiruvlar asosida olinadi. Tekshiruvlar maxsus dastur bo'yicha olib boriladi. Natijalardan kiyim andozalash uchun o'lcham tipologiyasini ishlab chiqarishda foydalaniladi.