O’zbekiston respublikasi oliy va o’rta maxsus ta’lim vazirligi farg’ona politexnika instituti tabiiy tolalar kafedrasi 5321600-«Yengil sanoat texnologiyalari va jihozlari»

Hisobotning 4-bobida, Amaliyot ob’yektida “MEHNATNI MUHOFAZA QILISH” bo`yicha ko`riladigan choralar ko`rsatiladi. Alohida e’tibor, talabalar o`zlari ishtirok etgan jarayonda bajargan alohida ishlari, xavfsizlik texnikasi qoidalarini saqlanganligiga qaratiladi. Agar amaliyot davomida xavfsizlik texnikasi qoidalari buzilgan hollar bo`lsa, buzilish hollarining sabablarini tahlil qilib ko`rsatilishi kerak.
Hisobot oxirida talabalar amaliyot davomida olgan o`z taassurotlarini va amaliyot natijasidagi o`z yutuqlarini, hamda yo`l qo`ygan kamchiliklarini yozadi. Amaliyot natijasidagi tanqidiy mulohazalarni, takliflarni va chiqargan xulosalari talabalarning maxsus tayyorgarligini ko`rsatadi.
Hisobot matni 20-25 bet xajmda to`liq bajarilgan bo`lishi kerak. Hisobot (210×297 mm) o`lchamidagi A4 formatli qog`ozning bir tomoniga aniq xusni xat bilan siyohda yoziladi. Chizmalar va eskizlar qalam bilan chiziladi va hisobotning kerakli joyiga tikiladi.
Hisobot bosh varag`i (titul) 1-ilovadagidek, mundarijasi 2-ilovadagidek bajariladi.
Har bir talaba amaliyot rahbari tomonidan berilgan shaxsiy topshiriqni bajaradi. Shaxsiy topshiriq sifatida talabaning to`garaklarda bajarayotgan ishi, ilmiy ishi yoki biror amaliy ishini bajarishni batafsil tafsiloti kerakli materiallar bilan yoritiladi.