O’zbekiston respublikasi oliy va o’rta maxsus ta‘lim vazirligi d. N. Mamedova, yu. Sh. Jurayeva gaz ta’minoti tizimi (o’quv qo’llanma) Qarshi – 2021 yil

35 rasm. Suyultirilgan gazning turli hajmli 5 (a), 12 (b), 50 va 80 l (v) ballonlari.
Bir ballonli qurilmalar xona ichida gaz plitasi va radiatorlar kamidan 1 m masofada o’rnatiladi. Ularning asosiy afzaligi yil davomida 20ºC haroratli xonada joylashganligi sababli gaz bug’lanishini bir tekis ta’minlay olishdir. Uning asosiy kamchiligi xona intererini buzadi va ishlatishda bir oz xavfli. Xona tashqarisidagi gaz ballonlari odatda ikkita bo’lib, metall shkaf ichiga o’rnatiladi, sozlagich va kran bilan ta’minlanadi. Ballonlar bosim sozlagich bilan mis yoki latun naychalari yordamida tutashtiriladi. Xona ichida gaz po’lat quvurlar orqali uzatiladi. Ular kamida 2,0 m balndlikda devorga mahkamlanadi.

Ko’p xonadonli bir qavatli binolarni suyultirilgan gaz bilan ta’minlash uchun odatda bir necha gaz ballonlaridan tashkil topgan qurilmalar ishlatiladi. Bu xonada tekis devorlar yoniga o’rnatilgan maxsus metall shkaf ichiga umumiy hajmi 600 l dan ko’p bo’lmagan, binodan 8 – 25 m uzunliqda joylashgan bo’lsa 1000 l dan oshmagan gaz ballonlar ishlatiladi. Har bir guruh bosim sozlagich, saqlovchi klapan, berkitish armaturasi va manometr bilan ta’minlanadi. Guruhdagi ballonlar soni gazning hisobiy sarfi va bug’lanish intensifligiga ko’ra tanlanadi. 50 litrlik gaz ballonining hisobiy bug’lanishi 0,25 m³/soat qabul qilingan. Bunda hisobiy gaz sarfi binodagi barcha gaz asboblarini bir vaqtda ta’minlash uchun yetarli bo’lishi zarur.

b)