O`zbekiston respublikasi oliy va o`rta maxsus ta`lim vazirligi buxoro davlat universiteti magistratura bo’limi

Tadqiqotda qo’llanilgan metodikaning tavsifi. Ona Vatanimiz mustaqillikka erishgandan so`ng ijtimoiy-gumanitar fanlar sohasidagi tub o`zgarishlar – mustaqillik davrida tarixga, madaniyatga, adabiyotga, umuman, ma`naviy qadriyatlarga yondashishga mafkuraviy yakka hokimlik, mustamlakachilik mahdudligi o`lchovlaridan voz kechish, tarixiy dalillarga odilona yondashish va ularni Vatan va xalqning kelajagi manfaatlari yo`lida xizmat qildirishni ta`minlashdan iboratdir.

Mazkur tamoyillarni ijtimoiy-gumanitar fanlar sohasidagi tadqiqotlarga poydevor qilib olish g`oyasi Respublika Prezidenti Sh.M.Mirziyoyev va Mustaqil O`zbekistonning Birinchi Prezidenti I.A.Karimovning bir qator maqolalari va asarlarida o`rtaga tashlandi hamda asoslab berildi. Mazkur asarlardagi ma`naviy qadriyatlar, ularni tiklash va xalqimizga qaytarish xususida aytilgan fikrlar, mulohazalar va xulosalar ushbu tadqiqotning metodologik asosini belgilab berdi.

Tadqiqotning ilmiy-metodologik asosini tarixiy-qiyosiy metod tashkil etib, umuman, tarixshunoslik bo`yicha mamlakatimizda va xorijda amalga oshirilgan tadqiqotlardan ham unumli foydalaniladi.