O`zbekiston Respublikasi Oliy va o`rta maxsus ta'lim vazirligi Buxoro davlat universiteti

Internet saytlari 
1.
 http://teachyourselfuzbek.com/resources/coursebooks/—Самоучитель 
узбекского языка. 
2.
 http://solver.uz/translate.php — Русско-узбекский переводчик. 
3.
http://library.ziyonet.uz/ — таълим портали
6-MAVZU: VATAN VA VATANPARVARLIK 
Og`zaki nutq: 
Mavzuga oid matnni o`qib tushunish. Matndagi termin va iboralarning ma'nosini 
izohlash. Matnni birinchi shaxs nomidan so`zlab berish. Mavzu bo`yicha bahs-
munozarada ishtirok etish. 
Yozma nutq: 
Tarixda o`z jasorati bilan nom qoldirgan qahramonlar haqida hikoya tuzish. 
“Vatanparvarlik nima?” mavzusida esse yozish. Davriy nashrlardagi maqolalar asosida 
fidoyiligi bilan tanilgan zamondoshlarimiz haqida ma'lumot tayyorlash.
Grammatika:
Ijtimoiy-siyosiy leksika. 
Reja: 
1.
Vatan — muqaddas maskan. 

---

46 
2.
Vatanparvarlik — ezgu hislat. 
3.
Vatanim bilan faxrlanaman. 
Tayanch tushunchalar
: Vatan, ona yurt, vatanparvarlik, umuminsoniy tuyg`u, 
manaviy meros 
Vatanparvarlik — kishilarning ona yurtiga, o`z oshyoniga muhabbati va 
sadoqatini ifodalaydigan tushuncha. Vatanparvarlik barcha kishilar, xalq, millatlar 
uchun umumiy bo`lgan, asrlar davomida sayqallanib kelgan umuminsoniy tuyg`u, 
ma`naviy qadriyatlardan biri. Tarixiy jihatdan Vatanparvarlik kishilarning o`z vatanlari 
taqdiri bilan bog`liq ijtimoiy rivojlanish, xalqlarning o`zlari yashayotgan hududning 
daxlsizligi va mustaqilligi yo`lidagi kurashi jarayonida takomillashib kelgan his-
tuyg`ular jamlanmasi hamdir. Bu vatanning o`tmishi va hoziri bilan faxrlanishda, uning 
manfaatlarini himoya qilishda namoyon bo`ladi. “Vatanni sevish iymondandir”,- deb 
ham bejizga aytishmagan. Vatan va vatanparvarlik haqida cho`lda o`rmalab yurgan 
jonivorlar ham tug`ilishidanoq o`z makonlarini biladilar, havoda uchuvchi qushlar ham, 
dengiz va daryolardagi baliqlar ham o`z oshyonlarini his qiladilar, hatto bolari va 
shunga o`xshashlar ham o`z uyalarini muhofaza qiladilar, shuning kabi odamlar ham 
qayerda tug`ilib parvarish topsalar, o`sha joyga cheksiz mehr qo`ygan bo`ladilar. 
“O`zingni vatanga qanchalar yaqin his etsang, uni shu qadar jonli vujud kabi 
aniqroq va sevibroq tasavvur qilasan” (A. Navoiy). “Har kimning qalbida o`z xalqining 
jajji qiyofasi yashaydi” (Blok).