O`zbekiston Respublikasi Oliy va o`rta maxsus ta'lim vazirligi Buxoro davlat universiteti

Muallif: 
filologiya fanlari bo`yicha falsafa doktori, dotsent G.I.Toirova 
fanning nomi
: O`zbek tili.
ta'lim yo`nalish
: 5120100-filologiya va tillarni o`qitish: o`zbek tili
 Taqrizchilar: L.R.Raupova
- Alisher Navoiy nomidagi 
Toshkent O`TAU professori, filologiya 
fanlari doktori
A.R.Ahmedov 
- filologiya fanlari 
nomzodi, dotsent
D.N.Yuldasheva
- 
pedagogika 
fanlari 
nomzodi, dotsent 
 

---

3 
КIRISH 
O`zbekiston Respublikasi Prezidentining “Oliy ta'lim tizimini yanada 
rivojlantirish chora-tadbirlari to'g'risida”gi qarori uzluksiz ta'lim tizimini rivojlantirish, 
mamlakatimizning izchil rivojlanib borayotgan iqtisodiyotini yuqori malakali kadrlar 
bilan ta'minlash, barcha hududlar va tarmoqlarni strategik jihatdan kompleks 
rivojlantirish masalalarini hal qilish borasida oliy ta'lim tizimi ishtirokini kengaytirish 
yo`lidagi yana bir muhim amaliy qadamdir. 
O`zbek tili” fani bo'yicha tayyorlangan o'quv uslubiy majmua o'quv jarayoninig 
nazariy, amaliy, ijodiy jihatlarini to'liq aks ettirib, innovatsion texnologiyalar bilan 
boyitilgan. Bu talabalarning fanni qulay va oson o'zlashtirishlariga yordam beradi, o'z 
ustida ishlashlari uchun sharoit yaratadi. 
O`zbek tilini o'qitish tamoyillari, mazmuni va uslubini o'zgartirib, o`zbek tilini 
o'rganish jarayonini tezlashtirish, talabalarning o'rta olgan bilimlarini chuqurlashtirish, 
takomillashtirish bilan bog'liq bo'lgan nutqiy ko'nikmalarni hosil qilish, o'zbek tilining 
boy imkoniyatlaridan o'z mutaxassisligi bo'yicha foydalanish, fikrni to'g'ri, aniq, 
mantiqli ifoda etishga o'rganish ko'zda tutiladi. Shularni nazarda tutib o'quv uslubiy 
majmua nutqiy ko'nikmalarni shakllantirishga yo'naltirilgan kommunikativ tamoyilga 
asoslanib tuzildi. Bu esa “2017-2021-yillarda O'zbekiston Respublikasini 
rivojlantirishning beshta ustuvor yo'nalishlari bo'yicha Harakatlar Strategiyasi”da 
ijtimoiy sohani rivojlantirishning ustuvor yo'nalishlari yuzasidan O`zbekiston 
Respublikasi Prezidentining 2019-yil 21-oktabrdagi “O`zbek tilining Davlat tili 
sifatidagi nufuzi va mavqeini tubdan oshirish chora-tadbirlari to'g'risida”gi farmon 
ijrosini ta'minlash maqsadida hamda “Ta’lim va fan sohasini rivojlantirish” bo'yicha 
“Uzluksiz ta'lim tizimini yanada takomillashtirish yo'lini davom ettirish, sifatli ta'lim 
xizmatlariga imkoniyatlarni oshirish, mehnat bozorining zamonaviy ehtiyojlariga 
muvofiq yuqori malakali kadrlarni tayyorlash”ga to'la mos keladi. 
Darslikda asosiy mavzu sifatida nutqiy mavzularning qo'yilishi farqlanib, 
grammatik bilimlar fikr ifodalash vositasi bo'lib, asosiy maqsadni amalga oshishiga 
xizmat qiladi. 
O`zbek tili ta'limi turmush va mehnat faoliyatidagi nutq mavzulari doirasini 
yanada kengaytirilgan hamda ixtisoslikka moslashtirilgan tarzda o`zbekcha nutqni 
tinglash, so`zlash, o'qish va yozish amallarini uyg'unlashtirib o'rgatish bilan ajralib 
turadi. Bunda talaba oldiga ilmiy-badiiy adabiyotlarni o'qib tushunish, mutaxassislik 

---

4 
sohasida matn yaratish, matnni shakl va mazmun jihatdan yangilash, boshqa nutq 
uslubiga ko'chira olish kabi talablar qo'yildi. 
Darslikda har bir mashg'ulot uchun matnlar, topshiriqlar, mashqlar, 
mustahkamlash uchun savollar, testlar, mustaqil ta'lim topshiriqlari, namunaviy fan 
dasturi asosida berildi. Shuningdek, davlat tilida ish yuritish, suhbat, bahslashuv orqali 
mustaqil yozma ishlarni uyushtirish, matn tuzdirish talabalarning ixtisosligiga ko`ra 
belgilandi.