O`zbekiston Respublikasi Oliy va o`rta maxsus ta'lim vazirligi Buxoro davlat universiteti

 
 
8-MAVZU: KELAJAK BILIMLI YOSHLAR QO`LIDA 
Og`zaki nutq: 
Mavzuga oid matnni o`qib tushunish. Matnni ijodiy so`zlash. Mavzu bo`yicha bahs-
munozarada ishtirok etish. 
Yozma nutq: 
“Iqtidorli yoshlar” mavzusida bog`lanishli matn tuzish. “Mening tengdoshlarim” 
mavzusida dialog tuzish va uni inssenirovka qilish. Yoshlar hayotidan qiziqarli 
hodisa va voqealar to`g`risida hikoya tuzish. 
Grammatika:
O`zbek tilida sinonimlar. 
Reja: 
1.
O`zbekiston — ulkan imkoniyatlar mamlakati. 
2.
Yoshlar — yurtning ertasi. 
3.
Porloq kelajak sari. 
Tayanch tushunchalar:
Yurt ertasi, yoshlar tashabbusi, kelajak avlod, «Maktab 
ta`limini rivojlantirish Davlat dasturi», Davlat mukofotlari, bilimli yoshlar. 
Yoshlarning qonuniy huquq va manfaatlarini taminlash, huquqiy bilim va 
madaniyatini yanada yuksaltirish, ong-u shuurini turli zararli tasirlardan asrab-avaylash 
davlatimiz yuritayotgan siyosatning ustuvor yo`nalishlaridandir. Yurtimizda oldimizga 
qo`ygan ezgu g`oya va maqsadlarimizni amalga oshirish yo`lida yoshlarni har 
tomonlama qo`llab-quvvatlab, ularning ijodiy kamol topishi yo`lida "Zulfiya nomidagi 
Davlat mukofoti", "Nihol" mukofoti va boshqa bir qator mukofotlar muhim ahamiyat 
kasb etmoqda. Shuningdek, xorijiy tillarga bo`lgan e'tibor bois yoshlarimiz orasida 
davlat grantlari asosida xorijiy mamlakatlarda o`qiyotganlar ham ko`pchilikni tashkil 
etadi. Yurtimizning kelajagi mana shunday vatanparvar, mustahkam bilimga ega 
bo`lgan mutaxassislar bilan yorug`dir. Ana shunday farzandlar kamolini ko`rish barcha 
ota-onalarga nasib etsin.
Mamlakatimizda yoshlar masalasida amalga oshirilayotgan islohotlardan 
ko`zlangan asosiy maqsad farzandlarimizni bizdan ko`ra kuchli, bilimli dono va albatta, 

---

59 
baxtli bo`lishi, mamlakatimiz istiqboli uchun masuliyatni o`z zimmasiga olishga qodir 
bo`lishi, milliy o`zligini, kimning, qanday buyuk zotlarning vorisi ekanini, Vatan 
tuyg`usini chuqur anglaydigan, irodasi mustahkam, yuksak ma'naviyatli bo`lib 
yetishishiga erishishdan iborat. “Kadrlar tayyorlash milliy dasturi” va “Ta`lim 
to`g`risida”gi Qonunda ta`lim mazmunini yangi shakl va ko`rinishlarini joriy etish, 
o`quvchi faoliyatini rivojlantirishga, bolaning shaxsiy fikrini kamol toptirishga xizmat 
qiladigan, ijodkorlikka yo`naltiruvchi natijali ta`limni tashkil etishga qaratilgan 
faoliyatni amalga oshirishga erishish muhim vazifa ekanligi uqtirilgan. Mamlakatimizda 
ma`nan yetuk, ruhan sog`lom, uyg`un kamol topgan avlodni tarbiyalash uchun zarur 
imkoniyatlar bazasini yaratishga erishildi. «Maktab ta`limini rivojlantirish Davlat 
dasturi»ning samarali amalga oshirilganligi buning yorqin dalilidir. Ta`lim-tarbiya 
samaradorligini oshirishda asosiy omil sifatiga qaralayotgan ta`lim texnologiyalarni 
ayniqsa, axborot kommunikatsiya texnologiyalarini amaliyotga joriy etishdan, 
multimediya resurslaridan oqilona foydalanishdan, buning mevasi bo`lgan o`quvchi 
bilish qobiliyatini o`stirishdan iborat.
Axborot kommunikatsiya texnologiyalarning afzallik tomoni shundaki, 
o`quvchini mustaqil fikrlashga, dunyoqarashini kengaytirishga, tinglashga va 
mushohada etishga, intilish va izlanishga, tafakkurni rivojlantirishga,o`z ustida mustaqil 
ishlashga o`rgatadi. O`qituvchi va o`quvchi birgalikda faoliyat yuritadi. O`qituvchi 
boshqaruvchi sifatida o`quvchiga turli yo`nalishlarni ko`rsatadi. O`quvchi dars 
jarayonida faol harakat qilib,o`zi mustaqil fikr yuritadi. Darsda malakalarini samarali 
ravishda 
qo`llashga 
o`rgatish 
dars 
samaradorligini 
oshiradi. 
Mustaqil 
O`zbekistonimizning porloq istiqboli barcha fuqarolarning, shuningdek, umumxalq, 
umummilliy faoliyatiga aylandi.