O’zbekiston respublikasi oliy va o’rta maxsus ta’lim vazirligi buxoro davlat universiteti “Pedagogika” fakulteti

2013 yil 6 fevral kuni soat 11:00da Kamoliddin Behzod nomidagi Milliy rassomlik va dizayn instituti tomonidan Toshkent Fotosuratlar uyi bilan hamkorlikda O’zbekiston Xalq rassomi, O’zbekiston Badiiy Akademiyasi Akademigi, “El-yurt hurmati” ordeni sohibi Alisher Mirzaev bilan “Zamonaviy milliy rangtasvir muammolari va istiqbollari” mavzuida ijodiy uchrashuv bo’lib o’tdi.Tadbirda O’zbekiston halq rassomi, O’zbekiston Davlat mukofoti lauriyati, Badiiy Akademiya raisi, Akademik Akmal Vahobjonovich Nuriddinov, Kamoliddin Behzod nomidagi Milliy rassomlik va dizayn instituti rektori Xasan Rashidovich Aminov, Falsafa fanlari doktori, professor Tilab Maxmudov hamda institut hamda Toshkent Fotosuratlar uyi rahbariyati, akademiklar, institut professor-o’qituvchilari va talabalari ishtirok etishdi. So’zga chiqqan barcha ijodkor ahli Alisher Mirzaevning ijodiy faoliyati zamonaviy milliy rangtasvirning rivojlanishidagi o’rniga alohida to’xtalib o’tishdi.

O’zbekiston Xalq rassomi Alisher Mirzaev sharq milliy rangtasvir san’ati xususan, milliy rangtasvir usul va uslublarining bugungi holati, mavjud muammolari xususida to’xtalib, ularni bartaraf etish yuzasidan, shuningdek, istiqboli borasida o’z fikr va mulohazalarini bildirdi.

Alisher Mirzaevning milliy rangtasvir yo’nalishidagi ijodida milliy an’analarning tarannumi o’z aksini topgan. Qolaversa, ranglarning tanlanishi tomoshabinni voqelikka teran ko’z bilan qarashga undaydi. Tarixiy qadriyat, o’tmish va bugunning uyғunlashuvi, ajdodlar va avlodlar silsilasidagi chizgilar, odob-axloq tamoyillari ijodkor asarlarida yorqin ifodalangan. Tadbirdan ko’zlangan maqsad shu bo’ldiki, ustoz-shogird an’analarini yanada rivojlantirish, zamonaviy milliy rantasvir, uning ijodkorlari ijodida milliy an’analarga tayangan holda yangi uslub va vositalarni shakllantirishdir. Shu ma’noda, talaba yoshlarga ustoz ijodkor Alisher Mirzaev ijodi orqali Zamonaviy milliy rangtasvir muammolari va istiqbollari borasida tushunchalar berildi. Tadbir so’ngida ishtirokchilar o’zlarini qiziqtirgan savollarga javob olishdi.