O’zbekiston respublikasi oliy va o’rta maxsus ta’lim vazirligi buxoro davlat universiteti “Pedagogika” fakulteti

2.2. Alisher Mirzaev-O’zbekiston Xalq rassomi, O’zbekiston Badiiy Akademiyasi Akademigi, “El-yurt hurmati” ordeni sohibi

Kamoliddin Behzod nomidagi Milliy rassomlik va dizayn instituti tomonidan Toshkent Fotosuratlar uyi bilan hamkorlikda O’zbekiston Xalq rassomi, O’zbekiston Badiiy Akademiyasi Akademigi, “El-yurt hurmati” ordeni sohibi Alisher Mirzaev bilan “Zamonaviy milliy rangtasvir muammolari va istiqbollari” mavzuida ijodiy uchrashuv bo’lib o’tdi.Tadbirda O’zbekiston xalq rassom, O’zbekiston Davlat mukofoti lauriyati, O’zbekiston Badiiy Akademiyasi raisi, Akademik Akmal Vahobjonovich Nuriddinov, Kamoliddin Behzod nomidagi Milliy rassomlik va dizayn instituti rektori Xasan Rashidovich Aminov, Falsafa fanlari doktori, professor Tilab Mahmudov hamda institut va Toshkent Fotosuratlar uyi rahbariyati, akademiklar, institut professor-o’qituvchilari va talabalari ishtirok etishdi.

Alisher Mirzaevning milliy rangtasvir yo’nalishidagi ijodida milliy an’analarning tarannumi o’z aksini topgan. Qolaversa, ranglarning tanlanishi tomoshabinni voqealikka teran ko’z bilan qarashga undaydi. Tarixiy qadriyat, o’tmish va bugunning uyғunlashuvi, ajdodlar va avlodlar silsilasidagi chizgilar, obod-axloq tamoyillari ijodkor asarlarida yorqin ifodalangan.So’zga chiqqan barcha ijodkor ahli Alisher Mirzaevning ijodiy faoliyati zamonaviy milliy rangtasvirning rivojlanishidagi o’rniga alohida to’xtalib o’tishdi.

Ma’lumki, O’zbekiston Xalq rassomi Alisher Mirzaev sharq milliy rangtasvir san’ati xususan, milliy rangtasvir usul va uslublari o’ziga xos xususiyatlarining shakllanishida muhim rol o’ynaydi. Tadbirda milliy rangtasvir san’atining mavjud muammolari xususida to’htalib, ularni bartaraf etish yuzasidan, shuningdek, istiqboli borasida o’z fikr va mulohazalarini bildirdi.Tadbirdan ko’zlangan maqsad shu bo’ldiki, ustoz-shogird an’analarini yanada rivojlantirish, zamonaviy milliy rangtasvir, uning ijodkorlari ijodida milliy an’analarga tayangan holda yangi uslubiy va vositalarni shakllantirishdir. Shu ma’noda, talaba yoshlarga ustoz ijodkor Alisher Mirzaev ijodi orqali Zamonaviy milliy rangtasvir muammolari va istiqbollari borasida tushunchalar berildi. Tadbir so’ngida ishtirokchilar o’zlarini qiziqtirgan savollarga javob olishdi.