O`zbekiston respublikasi oliy va o`rta maxsus ta`lim vazirligi buxoro davlat universiteti turizm fakulteti

O`ZBEKISTON RESPUBLIKASI OLIY VA O`RTA MAXSUS TA`LIM VAZIRLIGI

BUXORO DAVLAT UNIVERSITETI

TURIZM fakulteti

tasviriy san’at va Muhandislik grafikasi kafedrasi

CHIZMA GEOMETRIYA FANIDA MURAKKABLASHTIRILGAN MASALALAR VA ULARNI BAJARISH USULLARI.


BITIRUV MALAKAVIY ISHI

	Bajardi: 5140700 – Tasviriy san`at va muhandislik grafikasi ta`lim yo`nalishi 4 kurs talabasi ______________________________
	Ilmiy rahbar: ______________________________

Bitiruv malakaviy ishi kafedradan dastlabki himoyadan o`tdi.
___________ sonli bayonnomasi «_____» _________________ 2017 yil


BUXORO – 2017

MUNDARIJA
Kirish………………………………………………………………….
I bob. CHizma geometriya fani va uning nazariy asoslari
1.1. Chizma geometriya va uning qisqacha tarixi……………………...
1.2. Chizma geometriya fanining maqsad va vazifalari………………
1.3. Chizma geometriya fanining tayanch mavzulari va ularning tahlili…………………………………………………………………..
II bob. Chizma geometriya dars samaradorligini оshirish yo`llari.
2.1. Tayanch mavzularga oid talabalar bilimlarini mustahkamlovchi savollar va ularning mazmuni………………………………………....
2.2. Chizma geometriya fanini o`qitishda dars jarayonini faоllashtirish va uning samaradоrligini оshirish yo`llari….……................................
Хulosa………………………………………………………………….
Adabiyotlar ro`yxati ………………..…………………………………
Ilova……………………………………………………………………

Kirish
Mavzuning dolzarbligi. Barkamol shaxs va etuk mutaxassislarni tarbiyalashda "Kadrlar tayyorlash milliy dastur"ni jahon miqyosida e`tirof etilishi ko`p jihatdan umumiy o`rta ta`lim tizimining tubdan yangi asoslarda tashkil etilayotganligi bilan o`z me`yoriga etmoqda.
Zero, mamlakatimiz umumiy o`rta maktab chizma geometriya ta`lim jarayonida zamonaviy pedagogik texnologiyalardan samarali foydalanish, uning mazmuni, strukturasi, o`qitish uslublarini uzluksiz takomillashtirib borish, talabalarni mustaqil fikrlashga yo`naltirish, bilimlar bilan qurollantirish va o`z-o`zini nazorat qilish kabilar chizma geometriya ta`limini isloh qilishning asosiy yo`nalishlaridan biri hisoblanadi.
Tasviriy san`at va muhandislik grafikasi ta`lim yo`nalishida chizma geometriya fani chizmachilikni o`qitishda nazariy asos bo`lib hisoblanadi.
Chizma geometriyaning asosiy vazifasi fazodagi narsalarni tekislikda tasvirlash, turli metrik va pozitsion masalalarni geometrik qonun-qoida asosida echish usullarini o`rgatishdan iborat. Bu fan talabada fazoviy tafakkur qilish va mantiqiy fikr yuritishni shakllantirish uchun xizmat qiladi. Shu bilan birga real narsalarni idrok qilishga o`rgatadi.
Mazkur fanni o`qish davomida u proektsiyalash usullari, turli masala echish, yaqqol tasvir chizish va unda soya berishni o`rganib oladi.
Bular hammasi turli xil chizmani o`qishga yordam beradi. Chizmani o`qiy olish uchun talabada fazoviy tushuncha hamda tasavvur qilish rivojlangan bo`lishi lozim. Bu xususiyat tasviriy va amaliy san`at darslarida ham shakllanadi. Shuning uchun chizma geometriyani mazkur fanlar bilan uzviy bog’liqligini hisobga olgan holda o`qitish yaxshi samara beradi.
Chizma geometriyani talabaning umumta`lim maktabi matematika, ayniqsa geometriya va chizmachilikdan olgan bilimi bilan bog’lab o`qitish tavsiya etiladi. Bu ta`limning uzviyligi va izchilligini ta`minlashga imkon beradi.
Tasviriy san`at va muhandislik grafikasi ta`lim yo`nalishida chizma geometriya fanini o`qitish pedagogik yo`nalishda olib borilishi lozim. Bu talabalarni turli ko`rgazmali qurol va texnik vositalarni to`g’ri tanlashga o`rgatish hamda o`tilgan mavzuni og’zaki gapirib berish qobiliyati ya`ni nutq madaniyatini rivojlantirishdan iborat.