O’zbekiston respublikasi oliy va o’rta maxsus ta`lim vazirligi buxoro davlat universiteti

1.4 O’simliklarga turli mavsumda ta’sir qiluvchi noqulay ekologik omillar va ulardan himoyalanish fiziologiyasi

Qishda o‘simliklarga nafaqat manfiy harorat, balki qalin qor qoplami va muz qobiqlari hamda boshqa omillar ta’sir qiladi. Shuning bilan birgalikda qish fasli davomida qisqa muddatli yoki nisbatan uzoq davrli havoning isishi ham kuzatiladi. Qor bo‘ronlari va izg‘irin bo‘lishi mumkin. Bularning barchasi o‘simliklarning kuchsizlanishiga, oqibatda esa uning o‘limiga olib kelishi mumkin. Bunda faqatgina kuzgi ekinlar halok bo‘lib qolmasdan, balki ko‘p yillik o‘tlar va daraxtlar ham nobud bo‘lishi ham mumkin. Noqulay omillarning barchasi qishki va bahorgi vaqtlarda turli hodisalarni, ya’ni, dimiqish, ho‘llanish, ivish o‘simliklarni qishki - bahorgi “kuyishga” olib kelishi mumkin. Shuning uchun ham qisqa chidamlilik tushunchasi yuzaga kelgan.